DTX, DİN və Baş Prokurorluq nümayəndələrinin iştirakı ilə dini radikalizm müzakirə edilib

DTX, DİN və Baş Prokurorluq nümayəndələrinin iştirakı ilə dini radikalizm müzakirə edilib

Dini Qurumlarla İş üzrə Dövlət Komitəsinin (DQİDK) və Sumqayıt Şəhər İcra Hakimiyyətinin təşkilatçılığı ilə “Milli təhlükəsizliyə əsas təhdidlərdən biri - dini radikalizm” mövzusunda seminar-müşavirə keçirilib.

DQİDK-dən Trend-ə verilən məlumata görə, seminar-müşavirədə Baş Prokurorluq, Daxili İşlər Nazirliyi, Dövlət Təhlükəsizliyi Xidmətinin vəzifəli şəxsləri, eyni zamanda, bu qurumların Sumqayıt şəhəri, Abşeron, Xızı, Qobustan, Zəngilan və Qubadlı rayon strukturlarının məsul nümayəndələri, ziyalılar, dindarlar və ictimai fəallar iştirak ediblər.

Əvvəlcə Azərbaycanın suverenliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad olunub.

Tədbir DQİDK-nın sifarişi ilə çəkilmiş “Şəhadət” sənədli filminin nümayişi ilə başlayıb.

Sumqayıt Şəhər İcra Hakimiyyətinin başçısının müavini Teymur Səmədov çıxış edərək mövzunun aktuallığından danışıb. Natiq eyni zamanda, Sumqayıt şəhərindəki dini durum barədə ətraflı məlumat verib.

Dövlət Komitəsi sədrinin müavini Səyavuş Heydərov tədbirin keçirilməsində əsas məqsədin Azərbaycanda dini radikalizmə və ekstremizmə qarşı mübarizə sahəsində görülən işlərin və qarşıda duran vəzifələrin müzakirəsi olduğunu bildirib. O, dini radikalizmi yaradan səbəblər və radikal cərəyanların törətdiyi fəsadlardan, dünyada, xüsusilə Yaxın Şərqdə dini radikalizm və ekstremizmin acınacaqlı nəticələrindən söz açaraq, dinin siyasiləşdirildiyi və ya siyasi oyunlar üçün alət olduğu ölkələrin böyük fəlakətlərlə üzləşdiyini bildirib.

Ölkəmizdə mövcud olan ictmai-siyasi sabitlik, əmin-amanlıq, dövlət-din münasibətlərinin sağlam şəkildə qurulmasından da danışan S.Heydərov Azərbaycandakı multikultural və tolerant dəyərlərin bütün dünya üçün örnək olduğunu vurğulayıb.

Prezidentin sərəncamı ilə təsis edilmiş Azərbaycan İlahiyyat İnstitutunun əhəmiyyətindən bəhs edən DQİDK-nın sədr müavini ali məktəbin yaradılmasını dövlət başçımızın dövlətçiliyə, milli-mənəvi dəyərlərimizə bağlı, vətənpərvər, yüksək ixtisaslı kadrların hazırlanmasına, eləcə də xalqımızın tarixi ənənələrinə söykənən dini-mənəvi mühitin qorunub saxlanılmasına verdiyi yüksək diqqətin daha bir nümunəsi adlandırıb.

Yeni yaradılan institutda dini yazarların yetişdiriləcəyini və araşdırmaların aparılacağını deyən S.Heydərov bildirib ki, burada məqsəd gəncləri yad dini ideologiyalardan qorumaqdır. Vurğulayıb ki, bu gün ölkədə dini radikalizm və ekstremizmə qarşı alternativ vasitə vətənpərvərlik hissinin gücləndirilməsidir və ona görə də bu kimi maarifləndirmə tədbirlərinin keçirilməsi əhəmiyyətlidir.

DQİDK sədrinin müavini sonda radikalizmə qarşı mübarizədə fəallığın vacibliyini diqqətə çatdırıb və daha məsuliyyətli olmağa çağırıb.

Tədbirdə, həmçinin Baş Prokurorluğun idarə rəisinin müavini Rauf Məmmədov, Daxili İşlər Nazirliyinin məsul əməkdaşı Oqtay Tağıyev mövzu ilə bağlı çıxış edib, təmsil etdikləri qurumların dini radikalizmlə mübarizə istiqamətində həyata keçirdiyi profilaktik və inzibati tədbirlərdən söz açıblar. Natiqlər dini radikalizmin ictimai təhlükəsizliyə açıq təhdid olduğunu bildirərək, müştərək mübarizənin vacibliyini vurğulayıblar.

Sonda çıxış edən Qafqaz Müsəlmanları İdarəsinin Sumqayıt üzrə səlahiyyətli nümayəndəsi Rauf Sərdərov dövlətimizin başçısına dindarlara göstərdiyi qayğı üçün təşəkkürünü bildirib. O, Ümummilli Lider Heydər Əliyev ərəfindən əsası qoyulan dövlət-din münasibətlərinin bu gün ölkəmizin inkişafına böyük töhfə verdiyini və dindarların daim bütün məsələlərdə dövlətin yanında olduğunu söyləyib.

Seminar-müşavirə mövzu ətrafında fikir mübadiləsi ilə davam edib.

Bu xəbəri oxuyanlar aşağıdakı xəbərləridə oxuyub
Azərbaycan hərbçisi Ermənistanın növbəti təxribatı nəticəsində şəhid olub
Azərbaycan hərbçisi Ermənistanın növbəti təxribatı nəticəsində şəhid olub
Mayın 20-də Azərbaycan-Ermənistan dövlət sərhədinin Naxçıvan Muxtar
Həbsdəki o generalı bağışlamaq olarmı?
Həbsdəki o generalı bağışlamaq olarmı?
14 il azadlıqdan məhrumetmə cəzasına məhkum olunan Naxçıvan Muxtar
Rusiyanın Ermənistana daha hansı yeni silahı verəcəyi üzə çıxdı
Rusiyanın Ermənistana daha hansı yeni silahı verəcəyi üzə çıxdı
Bir neçə ay sonra Yerevan Rusiyadan aşağı radiuslu “Tor M2” zenit-raket
reklam
Bakının mərkəzində əməliyyat:
Bakının mərkəzində əməliyyat: - bankı yarmaq istəyən 17 yaşlı gənc saxlanıldı
Polis əməkdaşları dərhal ərazini nəzarətə götürüb və məlum olub ki,
FTX “pomidor kralı” Vahid Novruzovu həbs edib
FTX “pomidor kralı” Vahid Novruzovu həbs edib
Rusiya Federal Təhlükəsizlik Xidmətinin Moskva İdarəsinin əməkdaşları ötən
Ramazan ayı ərzində toy etmək olarmı?
Ramazan ayı ərzində toy etmək olarmı?
Ramazan ayının başlaması ilə şadlıq evlərinə toy üçün müraciət edənlər
 
XİA.az - TƏQDİMAT