Azərbaycanın 27 ili: - Mütəllibovdan Əliyevə...

Azərbaycanın 27 ili:
Azərbaycan müstəqillik qazanandan sonra ilk dəfə 1991-ci il sentyabrın 8-də prezident seçkisi keçirilib. Bu seçkilərdə yeganə namizəd olan Ayaz Mütəllibov Azərbaycan Respublikasının ilk prezidenti seçilib.

Müstəqillik illərində mövcud olan xaos və durğunluq, üstəlik Qarabağ savaşının yaratdığı fəsadlar və Xocalı soyqırımı Mütəllibovun prezidentlik dövrünün tez başa çatmasına gətirib çıxardı. Bu səbəbdən növbəti illərdə - 1992 və 1993-cü illərdə yenidən prezident seçkisi baş tutdu.

1992-ci ildə keçirilən seçkidə Azərbaycan Xalq Cəbhəsinin və Milli Azadlıq Hərəkatının lideri Əbülfəz Elçibəy qalib gələrək Azərbaycanın 2-ci prezidenti seçildi. Elçibəyin prezidentlik müddəti də uzun çəkmədi. Hakimiyyətə qarşı ölkənin müxtəlif yerlərində baş qaldıran narazılıq və nəhayət,hərbi qiyamlardan sonra o,vəzifəsini tərk etdi.

Elçibəyin istefasından sonra, 1993-cü ildə növbədənkənar seçkilər keçirildi və Yeni Azərbaycan Partiyasının lideri Heydər Əliyev böyük üstünlüklə qalib gəldi. Heydər Əliyev həm də Azərbaycan tarixində prezidentlik müddətini sonuna qədər icra edən ilk lider oldu.

Onun hakimiyyətə gəlməsindən sonra ölkədə hökm sürən xaos aradan qaldırıldı. İllərdir durğunluq dövrünü yaşayan iqtisadiyyat yenidən dirçəlməyə başladı, ölkənin neft sənayesinin inkişafına start verildi.

1998-ci ildə baş tutan seçkidə Heydər Əliyev növbəti dəfə qalib gəldi. Hakimiyyətinin ikinci dönəmində ölkədə reallaşdırılan iqtisadi layihələrin sayı daha da artırıldı.

2003-cü ildə isə Yeni Azərbaycan Partiyası prezidentliyə İlham Əliyevin namizədliyini irəli sürdü. Seçkidə səslərin 76,8%-ni toplayan İlham Əliyev Azərbaycan Respublikasının yeni prezident oldu.

İlham Əliyev bundan sonrakı dönəmdə baş tutan 2008 və 2013-cü il seçkilərində də öz rəqiblərini böyük səs çoxluğu ilə üstələdi.

Qeyd edək ki, ötən gün keçirilən prezident seçkilərində seçicilərin 86.09% səsini toplayan İlham Əliyev yenidən Azərbaycan Respublikasının Prezidenti seçilib.(axar.az)

Bu xəbəri oxuyanlar aşağıdakı xəbərləridə oxuyub
Bu gün 42 dərəcə isti olacaq
Bu gün 42 dərəcə isti olacaq
Bu gün Bakıda və Abşeron yarımadasında hava şəraitinin yağmursuz keçəcəyi
Düşmən atəşkəsi 101 dəfə pozub
Düşmən atəşkəsi 101 dəfə pozub
Ermənistan silahlı qüvvələrinin bölmələri cəbhənin müxtəlif
Ələtdəki qəzanın səbəbi açıqlandı - VİDEO
Ələtdəki qəzanın səbəbi açıqlandı - VİDEO
Bakı-Ələt magistral yolunda baş verən dəhşətli qəza yük maşını sürücüsünün
reklam
Avtobus qəzasında 1 nəfər ölüb, 13 nəfər yaralanıb
Avtobus qəzasında 1 nəfər ölüb, 13 nəfər yaralanıb
Bu barədə açıqlamasında Səhiyyə Nazirliyinin mətbuat xidmətinin rəhbəri
6 ayda 240 mindən çox it peyvənd olunub
6 ayda 240 mindən çox it peyvənd olunub
Bu il yanvarın əvvəllərindən etibarən ölkə ərazisində Kənd Təsərrüfatı
 
XİA.az - TƏQDİMAT