Əcnəbilərin və vətəndaşlığı olmayan şəxslərin Azərbaycan Respublikasında müvəqqəti olma müddətinin uzadılması

Əcnəbilərin və vətəndaşlığı olmayan şəxslərin Azərbaycan Respublikasında müvəqqəti olma müddətinin uzadılması
Miqrasiya Məcəlləsinə əsasən müvəqqəti olma müddətinin uzadılması barədə qərar əcnəbilərə və vətəndaşlığı olmayan şəxslərə ölkədə müvəqqəti olma hüququ verən rəsmi sənəddir.

Azərbaycana gələn əcnəbilərin və vətəndaşlığı olmayan şəxslərin ölkədə müvəqqəti olma müddəti onların və ya qanuni nümayəndələrinin müraciəti əsasında 60 günədək uzadıla bilər.

Müvəqqəti olma müddətinin uzadıldığı hallar:

əcnəbilərin və vətəndaşlığı olmayan şəxslərin Azərbaycan ərazisində təcili müalicə olunmasına zərurət yarandıqda;
Azərbaycan Respublikasında yaşayan yaxın qohumları ağır xəstələndikdə və ya vəfat etdikdə;
xidməti zərurətlə əlaqədar Azərbaycana gəlmiş əcnəbilər və vətəndaşlığı olmayan şəxslər tərəfindən nəzərdə tutulmuş işlərin başa çatdırılmadığına dair həmin şəxsləri ölkəyə dəvət etmiş təşkilat tərəfindən əsaslandırılmış vəsatət verildikdə;
Tranzit keçid zamanı nəqliyyatın hərəkətinə maneə olan təbii fəlakət baş verdikdə; Həmçinin avtonəqliyyat vasitəsinin (onun hissələrinin) sıradan çıxması, yaxud yolnəqliyyat hadisəsi nəticəsində təmirə ehtiyac yarandıqda;
Sadalanan hallardan heç biri olmadıqda, həmçinin əcnəbilərin və vətəndaşlığı olmayan şəxslərin Azərbaycanda müvəqqəti olması ölkəmizin milli təhlükəsizliyinə; respublikamızda ictimai asayişə zərər vura biləcəyi hallarda; müvəqqəti olma müddətini uzatmaq məqsədi ilə saxta sənədlər və ya yalan məlumatlar təqdim etdikdə; şəxsiyyətini təsdiq edən sənədləri olmadıqda; Azərbaycan ərazisinə girişinə qadağa qoyulduqda; ölkə ərazisində müvəqqəti olma müddətini uzatmaq üçün əsas olmuş hal aradan qalxdıqda; Azərbaycan Respublikasında olması arzuolunmaz hesab edildikdə; pasportlarının və ya digər sərhədkeçmə sənədlərinin etibarlılıq müddətlərinin bitməsinə 1 aydan az vaxt qaldıqda onların ölkədə müvəqqəti olma müddəti uzadılmır.

“Dövlət rüsumu haqqında” Qanuna əsasən yetkinlik yaşına çatmış əcnəbilərə və vətəndaşlığı olmayan şəxslərə ölkədə müvəqqəti olma müddətinin uzadılması barədə qərarın verilməsinə görə:

30 günədək 30 manat
60 günədək 60 manat
Yetkinlik yaşına çatmayan əcnəbilərə və vətəndaşlığı olmayan şəxslərə ölkədə müvəqqəti olma müddətinin uzadılması barədə qərarın verilməsinə görə isə:

30 günədək 15 manat
60 günədək 30 manat məbləğində dövlət rüsumu tutulur.
Müvəqqəti olma müddətinin uzadılması üçün əcnəbilər və vətəndaşlığı olmayan şəxslər tranzit keçidi zamanı məcburi dayanma halları istisna olmaqla, müvəqqəti olma müddətinin bitməsinə azı 3 iş günü qalmış Dövlət Miqrasiya Xidmətinə müraciət edərək tələb olunan sənədləri təqdim etməlidirlər.

Bu xəbəri oxuyanlar aşağıdakı xəbərləridə oxuyub
Bayıl yamacında vəziyyət ktirikləşir
Bayıl yamacında vəziyyət ktirikləşir
Bayıl qəsəbəsi, Buxta 9 küçəsində təhlükəli vəziyyət davam edir. Sürüşmə
Yol polisini kameraya çəkən sürücülər həbs olunacaq
Yol polisini kameraya çəkən sürücülər həbs olunacaq - RƏSMİ XƏBƏRDARLIQ
Daxili İşlər Nazirliyinin Baş Dövlət Yol Polisi İdarəsi yol hərəkəti
Azərbaycan ordusu möhtəşəm hərbi parada hazırlaşır
Azərbaycan ordusu möhtəşəm hərbi parada hazırlaşır
Düşmənə sanballı güc nümayişi olacaq paradda bütün növlərdən yeni silahlar
reklam
Özünü MTN işçisi kimi təqdim edən şəxs polisi şantaj edərkən həbs olundu - Təfərrüat
Özünü MTN işçisi kimi təqdim edən şəxs polisi şantaj edərkən həbs olundu - Təfərrüat
Bakıda bir neçə vətəndaşa qarşı işə düzəltmək adı ilə dələduzluq etməkdə
Bakının qızıl fürsəti - Ağ Evin seçimi
Bakının qızıl fürsəti - Ağ Evin seçimi
Tramp ABŞ-a birinci kimi dəvət edəcək – prezident İlham Əliyevi, yoxsa
Cavanşir Feyziyev özünümüdafiəyə başlayıb?
Cavanşir Feyziyev özünümüdafiəyə başlayıb? - “Dərman mafiyası işi”
Son günlərin əsas mövzusu olan "Dərman mafiyası işi” ilə bağlı yeni
 
XİA.az - TƏQDİMAT