Mürvət Həsənlidən Aslan İsmayılova “Sumqayıt işi” ilə bağlı sillə kimi suallar: “ - Cavab ver...”

Mürvət Həsənlidən Aslan İsmayılova “Sumqayıt işi” ilə bağlı sillə kimi suallar: “
Bir neçə gün əvvəl, ölkənin bir çox aparıcı saytlarında mənim “Sumqayıt prosesi”ndə Aslan İsmayılovun “rolunu” ətraflı təhlil edən müəllif yazım yayımlanıb. Bu mövzuya toxunmağım təsadüfi deyil. Bildiyiniz kimi, Aslan İsmayılov yaxın tariximizdə baş verən həmin hadisə ilə bağlı yazdığı kitabda və etdiyi çıxışlarda özünü məhz sözügedən prosesin qəhrəmanı obrazında təqdim etməklə, xalqı aldatmaq yolunu tutub. Məhz bu səbəbdən də, Aslan İsmayılovun deyilən proseslə bağlı da saxtakarlığa yol verdiyini təkzibolunmaz dəlillərlə sübut etdim. Bu faktlara aydınlığın gətirilməsi yalnız Aslanla mənə lazım deyil. Bu, bizim tariximizə aid olan məsələdir ki, onu kiminsə saxtalaşdırmasına izn vermək olmaz. Eşitdim ki, Aslan İsmayılov həmin yazıya öz facebook səhifəsində canlı yayımla guya cavab verib. Amma qaldırdığım məsələlərə, verdiyim suallara cavab vermək əvəzinə, yenə də söyüş, təhqir ssləndirib, pafoslu cümlələrlə əsl mahiyyəti ört-basdır etməyə çalışıb. Bir sözlə, boşboğazlıq edib. Ən maraqlı hallardan biri də budur ki, Aslan İsmayılov mənim yazımı tirajlayan KİV-lərin hamısını reket adlandırıb.

Image result for aslan mürvət

Qeyd edim ki, yazımı yayan ilkin mənbə “Yeni Müsavat” qəzeti və saytı olub. Əgər bir adam ölkənin ən tanınmış, populyar qəzetinə reket deyirsə, onda bunun ya ağlı yerində deyil, yada ki, əxlaqı bundan o tərəfə danışmağa imkan vermir. Mən çox istərdim ki, Aslan İsmayılov mənim ona unladığım suallara da cavab versin. Mən Aslan İsmayılovdan “Sumqayıt prosesi” ilə bağlı bu suallara cavab almaq istəyirəm:

1. Niyə İsmət Qayıbovu uzaqlaşdırıb Aslan İsmayılovu “Sumqayıt prosesi”nə prokuror təyin etdilər? İsmət Qayıbov zəif prokuror idi, yoxsa Aslan İsmayılov ondan daha güclü idi?

2. Məhkəmədəki çıxışınız yoxa çıxıb. Onu kim oğurlayıb?

3. Nə üçün 22 il susduqdan sonra birdən bu məsələnin üzərinə getməyə qərar verdiniz?

4. Sumqayıt içi ilə bağlı sənədlərin yerini dövlət orqanlarına siz demisiniz. Onlar tapa bilmədiyi halda siz onların yerini haradan bilirdiniz?

5. Nə üçün yalnız sizin çıxışınız itib və sizin bundan xəbərinizin olduğu doğrudurmu?

6. İttiham aktı itirilsə də, sizin işi məhkəməyə təqdim etməniz sübut etmirmi ki, təşkilatçıları, yəni erməniləri ört-basdır etmək sizin işinizdir?

7. Moskvanın sizə belə yüksək etimad göstərməsinin səbəbi nə idi?

8. Nə üçün işdə qaranlıq qalmış məslələri araşdırmadan məhkəməyə təqdim etdiniz?

9. Təşkilatçıların ermənilər və Moskva olduğu indi araşdırmalarda məlum olur. Bəs siz istintaq zamanı təşkilatçıları nə üçün axtarmadınız? Erməniləri ört-basdır etmək üçün?

10. İşin istintaqının yarımçıq aparılması prokurorun məsuliyyəti deyil? Axı istintaqı prokuror aparıb başa çatdırdıqdan sonra məhkəməyə təqdim edir.

11. Başa çatmamış, tam sübutlar toplanmamış işə görə 4 ölüm hökmü və daha yüksək cəzalar istəmisiniz. Nə üçün? Bu hüquqa zidd deyil?

12. Sizin sərt cəzalar tələb etməniz - 4 nəfərə ölüm hökmü istəməniz -ermənilərin sərt cəzalar verilməsi haqda tələblərini yerinə yetirmək istəyinizdən irəli gəlirdi?

13. Mənsur İbayevin çıxardığı qərarda qeyd edilir ki, “iş tam araşdırılmayıb və işdə qaranlıq məqamlar var. İş ibtidai istintaqa qaytarılsın”. Siz də Mənsur İbayevdən narazısınız və onu sərt tənqid edirsiniz. Siz onun qərarında nədən narazısınız?

14. Mənsur İbayevin çıxardığı qərar sizin hansı planlarınızı pozurdu?

15. Mənsur İbayevin qərarı sizə üzərinizə götürdüyünüz öhdəliyi yerinə yetirməyə mane oldu?/musavat.com

Bu xəbəri oxuyanlar aşağıdakı xəbərləridə oxuyub
FHN-in Akademiyasında məzun buraxılışı və “Bilik günü” münasibətilə tədbir keçirilmişdir
FHN-in Akademiyasında məzun buraxılışı və “Bilik günü” münasibətilə tədbir keçirilmişdir
Azərbaycan Respublikasının Fövqəladə Hallar Nazirliyinin Akademiyasında 17
Dövlət Miqrasiya Xidmətində təlim
Dövlət Miqrasiya Xidmətində təlim
Təlim miqrasiya orqanları işçilərinin peşəkarlıq səviyyəsinin
Baş prokuror Qubada vətəndaşları qəbul edəcək
Baş prokuror Qubada vətəndaşları qəbul edəcək
Azərbaycan Respublikasının Prezidenti cənab İlham Əliyevin tapşırığına və
reklam
Latviyanın ədliyyə naziri Quba Soyqırımı Memorial Kompleksini ziyarət edib
Latviyanın ədliyyə naziri Quba Soyqırımı Memorial Kompleksini ziyarət edib
Latviya Respublikasının ədliyyə naziri Dzintars Rasnaçsın başçılıq etdiyi
Müdafiə naziri düşmənə qarşı daha sərt tədbirlərin görülməsi ilə bağlı konkret tapşırıqlar verib
Müdafiə naziri düşmənə qarşı daha sərt tədbirlərin görülməsi ilə bağlı konkret tapşırıqlar verib
Azərbaycan Respublikasının Müdafiə naziri general-polkovnik Zakir Həsənov
Müdafiə naziri təlimlər keçirilən bölgəyə gəlib
Müdafiə naziri təlimlər keçirilən bölgəyə gəlib
Azərbaycan Respublikasının Prezidenti, Silahlı Qüvvələrin Ali Baş
 
XİA.az - TƏQDİMAT