Bakıda qoca manyakın qonşu uşaqlara qarşı tükürpədən hərəkətləri - 5 yaşlı qızın anası təfərrüatları açıqladı

Bakıda qoca manyakın qonşu uşaqlara qarşı tükürpədən hərəkətləri - 5 yaşlı qızın anası təfərrüatları açıqladı

Bakının Nəsimi rayonunda azyaşlı uşaqlara qarşı seksual xarakterli hərəkətlər edən şəxs saxlanılıb.

BakuPost xəbər verir ki, rayon ərazisində yaşayan 59 yaşlı kişi qonşuluğunda yaşayan uşaqları aldadaraq gizli yerlərə aparırmış, onları qorxudaraq seksual xarakterli hərəkətlər edirmiş.

5 yaşlı qız uşağının onun əməlinin üstünü açmasından sonra valideynləri polisə şikayət ediblər. Kişi saxlanılıb.

Hadisə ilə bağlı BakuPost-a danışan 5 yaşlı T.İ.-nin anası G.İ. deyib ki, bu barədə təsadüfən öyrənib:

"Dünən uşağın paltarını geyindirəndə başa salırdım ki, birdən kimsə sizi harasa aparmaq istəyər, toxunmaq istəyər, qəti icazə verməyin. Bunları dediyim vaxt uşaq mənə cavab verdi ki, ana, mən sənə deməyə qorxurdum, amma E. baba mənə qarşı belə hərəkətlər edib.

E.M. da bizim həyət qonşumuzdur. Yoldaşı ilə həmişə düşüb həyətdə qapılarının qabağında oturur. Onlar da həyətdə olanda güvənirəm ki, qonşum həyətdədir, uşaqlara dəyib-dolaşan olmaz. Həmişə də deyirəm ki, ay qızım, E. babanın yanından uzaqlaşmayın. Uşaq həmin kişiyə "baba” deyə müraciət edib.

Uşaqdan soruşdum ki, harda edib, necə edib. Məlum oldu ki, evlərinin yanında əl damı kimi yer var, onun zirzəmisinə ora aparıb, ona qarşı cinsi zorakılıq edib.

Dəli oldum, getdim qapılarını döydüm, kişi evdə yox idi. 102-ə zəng elədik, polis gəldi. Həmin o kişinin yoldaşını danışdırdılar.

Sonra uşağın ifadəsini aldılar. Açıqlığı ilə danışa bilmirəm, çünki çox əxlaqsız hərəkətlər edib.

Yoldaşı da utanmaz-utanmaz deyir ki, bəlkə uşaq yalan danışır? 5 yaşlı uşaq nə bilə bilər ki, o hərəkətlər var?

Uşağıma deyib ki, bunu kiməsə desən, səni öldürəcəyəm. Uşaq da qorxusundan deməyib”.

Anası uşağın psixoloji vəziyyətinin hazırda normal olduğunu, lakin gecələr çox qorxduğunu deyib: "Neçə vaxtdır ki, qız yatmırdı, hər dəfə gəlib deyirdi sizinlə yatmaq istəyirəm, məni tək qoymayın və s. Mən nə bilim axı belə bir şey ola bilər. Ağlıma gəlməyib.

Biz bunu polisə danışanda məlum oldu ki, qonşudakı oğlan uşağına qarşı da belə hərəkətlər edibmiş. Deməli 11 yaşlı oğlan uşağını aparıb köhnə bir evə, orada uşağı sığallayıb, porno filmlər qoyub, uşağa deyib ki, bax. Uşağı 3-4 dəfə o evə aparıb. Belə hamımız şokdayıq.

Bütün qonşular deyir ki, o ailə buradan köçsün getsin. Burda onlardan kimsə qalsa, məhəllə əhli onları qovacaq. Ya da çox pis şeylər olacaq. Kişinin özünün də oğlanları var, gəlin gətiriblər, nəvəsi olacaq. Onun qanunla cəzasını almasını istəyirik”.

Bu xəbəri oxuyanlar aşağıdakı xəbərləridə oxuyub
Azərbaycan nefti ucuzlaşıb
Azərbaycan nefti ucuzlaşıb
CIF bazisi üzrə İtaliyanın Auqusta limanı şərtləri ilə Azərbaycanın yüngül
İlqar Rəhimovun 25 illik hökmranlığının sonu
İlqar Rəhimovun 25 illik hökmranlığının sonu - nazir müavinini bitirən səbəblər
ƏƏSMN-in “boz kardinalı” hesab olunan İlqar Rəhimov nazirlikdəki
Bu gündən ölkə qış rejiminə keçir
Bu gündən ölkə qış rejiminə keçir - dövlət qurumları "hazırıq" deyir
Noyabrın 15-dən sonra ölkədə qış rejiminə keçilir. Bu gündən etibarən
reklam
Azərbaycan 2019-cu ildə 25 ixrac missiyası təşkil etməyi planlaşdırır
Azərbaycan 2019-cu ildə 25 ixrac missiyası təşkil etməyi planlaşdırır
O əlavə edib ki, ixrac missiyaları həm Azərbaycan məhsulları üçün ənənəvi
Padarçöldə yük maşını aşdı
Padarçöldə yük maşını aşdı - Yaralanan var
XİA.az-ın "Report"a istinadən məlumatına görə, hadisə Bakı-Qazax avtomobil
Qobustanda  ev yanıb
Qobustanda ev yanıb
Qobustan rayonunun Cəngi kəndində ev yanıb.
 
XİA.az - TƏQDİMAT