2018-ci ildə əldə olunan nailiyyətlər 2019-cu ilin ölkəmiz üçün daha da uğurlu olacağına zəmin yaradır - Səməd Seyidov

2018-ci ildə əldə olunan nailiyyətlər 2019-cu ilin ölkəmiz üçün daha da uğurlu olacağına zəmin yaradır
2018-ci ili həm dünya, həm də ölkəmiz üçün fəal və bir çox hadisələrlə yadda qalan bir il kimi səciyyələndirmək olar. Bu il ərzində həm xarici siyasət, həm daxili siyasət, həm də enerji, nəqliyyat və digər layihələrin həyata keçirilməsi baxımından önəmli bir il oldu.

Cari ildə əldə olunan nailiyyətlərlə bağlı Trend-ə açıqlama verən Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycanın Avropa Şurası Parlament Assambleyasındakı nümayəndə heyətinin rəhbəri Səməd Seyidov bildirib ki, Azərbaycanda 2018-ci ilin ən yaddaqalan hadisəsi cənab İlham Əliyevin yenidən xalq tərəfindən Prezident seçilməsi oldu.

S.Seyidov qeyd edib ki, bunu ilin ən vacib hadisəsi kimi qiymətləndirmək lazımdır: "Ona görə ki, bütün başqa uğurlar bundan irəli gələn uğurlardır. Xalq öz etimadını, öz səsini, öz münasibətini cənab Prezidentə bildirib və təbii ki, cənab Prezident də xalqa arxalanaraq öz işlərini yüksək səviyyədə görüb. Təbii ki, həm daxili, həm də xarici siyasətdə Azərbaycanın uğurları həddindən artıq çox olub. Son günlərə qədər müsbət hadisələrin şahidi olmuşuq. Ümumi götürdükdə bu il ərzində Azərbaycanın ərazi bütövlüyü ilə bağlı məsələnin yenidən Avropa Parlamentinin qətnaməsinə salınması, Xəzər dənizinin statusunun müəyyən olunması və ümumiyyətlə, yüksək səviyyədə xarici səfərlərin həyata keçirilməsi, o cümlədən xarici ölkələrinin prezidentlərinin, baş nazirlərinin, nümayəndə heyətlərinin Azərbaycana gəlişi, Azərbaycanda beynəlxalq forumların keçirilməsi, TAP, TANAP layihələri ilə bağlı həyata keçirilən işlər, SOCAR-ın Türkiyədə yeni "STAR" zavodunun açılması və digər bu kimi məsələlər ona dəlalət edir ki, 2018-ci il çox uğurlu ildir. Bütün bunlar bir uğur tarixidir".

Milli Məclisin komitə sədri vurğulayıb ki, Azərbaycanın qonşu ölkələrlə münasibətləri baxımından da bu il çox uğuru oldu: "İl ərzində Azərbaycanın Türkiyə, Gürcüstan, İran və Rusiya ilə münasibətləri daha da inkişaf etdi və Ermənistanın bu mehriban qonşuluq münasibətlərinə zidd davranışlarının dünyaya çatdırılması ona gətirib çıxardı ki, Azərbaycan daxil olmadığı Kollektiv Təhlükəsizlik Müqaviləsi Təşkilatı tərəfindən daha çox simpatiya və xoş münasibət qazandı, nəinki təşkilatın üzvü olan Ermənistan. Bu münasibət də ona görə qazanılıb ki, Azərbaycanın bu qonşuluq fəlsəfəsi həmin təşkilata da təsirini göstərib".

Onun fikrincə, təhlükəsizlik baxımından da Azərbaycan üçün bu il əhəmiyyətli oldu: "ABŞ və Rusiya generallarının görüş məkanı kimi Azərbaycanı seçməsi, Azərbaycan-Türkiyə birgə hərbi paradının keçirilməsi, ordumuzun daha da güclənməsi kimi məsələlər də xüsusi əhəmiyyət kəsb edir. Bütün bunlar, əlbəttə, Dağlıq Qarabağ münaqişəsinin həllinə də öz təsirini göstərir. Proseslərin gedişatı onu göstərir ki, Azərbaycan nə müharibədən, nə sülhdən çəkinir, lakin Ermənistan həm müharibədən, həm də sülhdən qorxur. Bu özü Ermənistanın siyasətinin laxladılmasına dəlalət edir. Azərbaycanın fəaliyyəti nəticəsində Ermənistanda bir rejim artıq süquta uğradı. İndi onlar Azərbaycanla münasibət qurmağın vacibliyini anlasalar, ola bilsin ki, hansısa çıxış yolu tapa bilərlər".

S.Seyidov əlavə edib ki, yuxarıda sadalanan və sadalanmayan çox sayda nailiyyətlər kontekstində 2018-ci il ölkəmiz üçün olduqca uğurlu oldu və bu, 2019-cu ilin daha da uğurlu olacağına zəmin yaradır.

Bu xəbəri oxuyanlar aşağıdakı xəbərləridə oxuyub
Hökumət sosial şəbəkədə şayiə texnologiyasını necə durdurdu
Hökumət sosial şəbəkədə şayiə texnologiyasını necə durdurdu
Sülhəddin Əkbər: “Kibercinayətkarlığa qarşı mərkəz yaradılmalıdır; panika
“Pegasus Airlines” aviaşirkəti Ankaradan Bakıya uçuşlar həyata keçirəcək
“Pegasus Airlines” aviaşirkəti Ankaradan Bakıya uçuşlar həyata keçirəcək
Türkiyənin “Pegasus Airlines” aviaşirkəti martın 15-dən başlayaraq
Güclü külək Bakıda fəsadlar törətdi
Güclü külək Bakıda fəsadlar törətdi
Paytaxtda müşahidə olunan kəskin hava şəraitindən insanlar qorunsa da,
reklam
Elxan Şahinoğlu: “Deyirlər ki, tərəflər xalqları sülhə hazırlamalıdırlar, hansı sülhə?!”
Elxan Şahinoğlu: “Deyirlər ki, tərəflər xalqları sülhə hazırlamalıdırlar, hansı sülhə?!”
Ekspertlərdən Paris görüşündən sonra yayılmış bəyanata maraqlı
“Qiymət artsa, siqaretdən istifadə azalar” iddiasına reaksiyalar
“Qiymət artsa, siqaretdən istifadə azalar” iddiasına reaksiyalar
Ümumdünya Səhiyyə Təşkilatının (ÜST) Azərbaycan üzrə ölkə ofisinin rəhbəri
Struktur dəyişikliyi ETSN-ə çatdı
Struktur dəyişikliyi ETSN-ə çatdı
Yanvarın 16-da prezident İlham Əliyev “Azərbaycan Respublikası Ekologiya
 
XİA.az - TƏQDİMAT