Bakı və Tiflis əlaqələrinə kimlər zərbə vurur? - Vasadze

Bakı və Tiflis əlaqələrinə kimlər zərbə vurur?
Əgər hadisələri yaxından izləsəniz, Gürcüstan-Azərbaycan münasibətlərini pozmağa çalışan şəxsi asanlıqla təxmin edə bilərsiniz.

Bu sözləri Axar.az-a açıqlamasında gürcü politoloq Gela Vasadze deyib. Onun sözlərinə görə, baş verənlərin bütün mahiyyətini anlamaq üçün mütləq hadisələrin xronoloji nəticələrinin təhlili aparılmalıdır.

“Gürcütanla Azərbaycan arasında inkişaf trendi var və bununla eyni vaxtda Bakı ilə İrəvan arasında bir sıra danışıqlar baş tutub, Qarabağ məsələsində irəliləyiş müşahidə edilir. Bunun ardınca isə biz Cənubi Qafqazdakı hər kəsi bir-birinə düşmən etməyə xidmət edən informasiya tullantılarına şahid olduq. Biz bütün bunlardan keçmişik, bütün bunları bilirik. Bunların kimə sərfəli olduğunu da bilirik, ancaq məsələ burasındadır ki, biz hələ də buna müqavimət göstərməyi öyrənməmişik. Çox acınacaqlı vəziyyətdir. Bizim (Azərbaycan və Gürcüstan) çətinləşən vəziyyətdə müdriklik nümayiş etdirməyimiz vacibdir”, - gürcü ekspert bildirib.

Həmsöhbətimizin fikrincə, hazırkı məqamda gürcü hökumətinin baş verənlər ətrafında qəti mövqeyi olmalıdır.

“Heç bir halda emosiyalar məntiqdən üstün olmamalıdır. Ən əsası – rəsmi Tiflis baş verənlərə dərhal və sərt şəkildə reaksiya verməlidir. Faktiki olaraq burada söhbət iki ölkə arasındakı informasiya gündəmindən gedir. Bugünkü gündəm isə hansısa mənfi çalara bürünür. Bu, Gürcüstan kimi, bütün regionun sabitliyi üçün təhlükəlidir. İlk növbədə hər şeyi öz adı ilə çağırmaq, ikincisi isə bütün bunları sifariş edən ölkələri açıqlamaq cəsarətinə sahib olmaq lazımdır”, - Vasadze qeyd edib.

Onun sözlərinə görə, bunlar olmadan Bakı və Tiflis ətrafında baş verənlərlə bağlı aydın bir anlayışa sahib olmaq mümkün olmayacaq.

Qeyd edək ki, bu il yanvarın 20-də Gürcüstanın Buqaşen qəsəbəsində Axalkalaki bələdiyyəsi tərəfindən Azərbaycan ərazilərinin işğalında və Xocalı qətliamında iştirak etmiş Mixail Avaqyana qoyulan büstün açılışı keçirilib. Bundan bir neçə gün sonra Ermənistan Silahlı Qüvvələrinin 27-ci ildönümündə Ermənistanın Gürcüstandakı səfirliyi Tiflisdə ön cərgələrində Qarabağ müharibəsində iştiraka görə orden və medallarla təltif edilmiş erməni döyüşçülərin oturduğu rəsmi qəbul keçirib.

Tiflisdə dərc olunan “Kavkaz Plyus” nəşri məsələni “Gürcüstan və Azərbaycan dostluğuna zərbə” kimi işıqlandırıb.

Bu xəbəri oxuyanlar aşağıdakı xəbərləridə oxuyub
Həbs olunmuş dünya çempionuna atmaca:
Həbs olunmuş dünya çempionuna atmaca: - Orada şeir yazarsan
Arvadını döydüyü üçün həbs edilən budo döyüş idman növü üzrə dünya
Gələn həftə hava kəskin soyuyacaq
Gələn həftə hava kəskin soyuyacaq
Azərbaycanda fevralın 17-nə gözlənilən hava proqnozu açıqlanıb. Bu barədə
Prezidentdən Siyavuş Novruzovla bağlı sərəncam
Prezidentdən Siyavuş Novruzovla bağlı sərəncam
Prezident İlham Əliyev Milli Məclisin deputatı Siyavuş Novruzovun təltif
reklam
Narkoloji Mərkəzdəki “yanğın işi”:
Narkoloji Mərkəzdəki “yanğın işi”: - İntihar etmək istəyirdimsə, camaatı niyə yandırırdım?
Bakı Ağır Cinayətlər Məhkəməsində Narkoloji Mərkəzdə baş verən yanğınla
Venesuelaya qarşı yeni sanksiyalar
Venesuelaya qarşı yeni sanksiyalar
ABŞ Venesuela hökumətinə qarşı yeni sanksiyalar tətbiq edib. Bu haqda ABŞ
Qohumlar birləşib, zavodun 75 min manatını “əritdi”
Qohumlar birləşib, zavodun 75 min manatını “əritdi”
İsmayıllıda istehsalat müəssisəsində dəfələrlə oğurluq edən dəstə
 
XİA.az - TƏQDİMAT