Kişilərin bakirəliyinə önəm verənlər də var

Kişilərin bakirəliyinə önəm verənlər də var
Psixoloq Vəfa Rəşidovanın sözlərinə görə, bizdə belə bir yanaşma var: "Kişi müəyyən yaşdadırsa, mütləq o, artıq bakirə deyil. Az da olsa, kişilərin bakirəliyinə önəm verənlər var".
V.Rəşidovanın fikrincə, kişilərin münasibətlərdə çox sərbəst olması ailədən gəlir: ""Sən oğlansan, sənə hər şey olar! Sən kişisən, özün bilərsən" kimi ifadələrlə tərbiyə gələcəkdə kişinin öz əxlaqına önəm verməməsi ilə nəticələnir. "Kişisənsə, eybi yoxdur, sənə hər şey olar. Amma xanımlara olmaz" psixologiyası ilə formalaşan oğlan uşağı, təbii ki, bakirəliyinə önəm verməyəcək. Ona görə ki, ona uşaqlıqdan aşılayıblar ki, sənə hər şey olar.
Əslində bakirəliyə fikir verməyən kişinin günahı yoxdur. Niyə yoxdur? Ona görə ki, onu o cür formalaşdırıb cəmiyyətə salıblar. Bu gün kişilərin nikaha qədər təmiz olmalarına, əlbəttə ki, önəm verməyəcəklər. Bunu tələb edən qadınlar da azdır. Bizim ailələr verdikləri tərbiyə modelində kişi üçün də bakirəliyin önəmli olduğunu formalaşdırsalar, bunun tərəfdarları artar".
Oğlanları vaxtında evləndirin
"Fikir verin, kişilər daha gec ailə qurmağa başlayıblar. Vaxtı çatanda artıq qadınla münasibətlərini yaşamalıdırlar. Valideynlər öz məsuliyyətlərini dərk edib oğul övladlarını zamanında evləndirsələr, bu problem yaşanmayacaq. Zina edən kişilər azalacaq", - deyə psixoloq bildirib.
Rəşidova deyib ki, kişilər qədər qadınlar da əxlaqsızlıq edirlər: "Bu gün cəmiyyətdə belə bir fikir formalaşıb ki, kişilər daha çox xəyanət edir, kişilər daha çox zina edirlər. Mən belə düşünmürəm, kişi ilə bərabər qadın da xəyanətkardır. Əgər kişi xəyanət edirsə, onu tək etmir ki, hansısa bir xanımla edir. Deməli, xəyanət edən kişi ilə bərabər, bunu edən qadın da var. Kişi bakirəliyini qorumur, qadınlar qoruyur kimi yanaşma disbalans yaradır.
Kişilər və qadınlar arasında neçə yaşı olur-olsun bakirəliyini mütləq qoruyanlar var. Sadəcə insanlar buna birtərəfli yanaşırlar. Çox qabardırlar ki, kişilər xəyanət edir, istədiklərini edirlər. İstədiklərini etməyən, özlərinə dəyər verən, ailə strukturlarını, ailə tabularını qoruyan kişilər də var. Bir nəfərə görə bütün insanlara yanaşmaq olmaz.
Əksəriyyət belə düşünür ki, kişi bakirəliyi vacib deyil. Amma elə adamlar var ki, onlar üçün kişi bakirəliyi həddindən artıq vacibdir. Bu da ailə tərbiyəsindən irəli gəlir".
Şəxsi münasibətlərə erkən maraq təhlükəlidir
Onun sözlərinə görə, münasibətlərə erkən maraq göstərən insanlar üçün bakirəlik önəm daşımayacaq: "İş təcrübəmdə belə hadisələrlə rastlaşıram ki, 6-7 yaşı olan uşaqlar yaşına uyğun olmayan filmlərə baxıblar. Əlbəttə ki, onun üçün gələcəkdə bakirəlik anlayışı olmayacaq. Valideyn buna nəzarət etməlidir.
Yeniyetmənin düzgün formalaşmasına diqqət yetirilməlidir ki, sabah şəxsi münasibətlərə erkən maraq oyanmasın. Təəssüf olsun ki, yeniyetmələri heç demirəm, bu gün uşaqlarda erkən şəxsi həyata meyl həddindən artıq çoxdur.
Erkən şəxsi həyata meyl sevgi doyumsuzluğundan da irəli gəlir. Valideynlər öz övladlarının gələcəyi üçün ciddi düşünməlidirlər. Övladları ilə çox zaman keçirtməli, onları sevgi ilə əhatə etməlidirlər. Övlad sevgi doyumsuzluğu yaşayırsa, pis yollara istiqamətlənər. Burada SOS vəziyyət yaranır. Məsələn, oğlanlar erkən münasibətlərə başlayır, özündən yaşda böyük xanımlarla münasibət qururlar".

Bu xəbəri oxuyanlar aşağıdakı xəbərləridə oxuyub
Trampın kürəkəni ABŞ administrasiyasında vəzifə aldı
Trampın kürəkəni ABŞ administrasiyasında vəzifə aldı
Donald Trampın kürəkəni və eyni zamanda müşaviri Cared Kuşner Ağ ev
İlham Əliyev Saatlı rayonuna səfər edib
İlham Əliyev Saatlı rayonuna səfər edib
Azərbaycan Prezidenti İlham Əliyev Saatlı rayonunda səfərdədir.
reklam
“Azərsun”un məhsulu ilə dolu yük maşını müəmmalı şəkildə yoxa çıxıb
“Azərsun”un məhsulu ilə dolu yük maşını müəmmalı şəkildə yoxa çıxıb
Ukraynada “Azərsun Holdinq” şirkətinə məxsus ət məhsulu ilə yüklənmiş yük
Ucarda yük maşınları ağır qəza törədib:
Ucarda yük maşınları ağır qəza törədib: - Ölən var
Ucar rayonunda ölümlə nəticələnən yol qəzası baş verib.
Azad Cavadov:
Azad Cavadov: - Bağlanmış bankların əmlakını satmağa hazırlaşırıq
“Azərbaycan Əmanətlərin Sığortalanması Fondu (ADIF) ləğvedicisi olduğu
 
XİA.az - TƏQDİMAT