Rusiya ABŞ raketlərini vurmağa hazırlaşır - Bacaracaqmı?

Rusiya ABŞ raketlərini vurmağa hazırlaşır
Rusiyanın SSRİ-nin mənəvi-siyasi mirası üzərində qurulmuş daxili və xarici siyasəti üçün müharibə amili və bu amil üzərində həyata keçirilən ultrapatriotizm siyasəti bu ölkədə ictimai rəyi yönləndirmək üçün çox böyük əhəmiyyət kəsb edir. Son illərdə isə bu amil aparıcı xəttə çevrilib.

Bu sözləri Axar.az-a açıqlamasında analitik Elçin Mirzəbəyli Rusiyanın Livandakı səfiri Aleksandr Zaspikin ABŞ-ın Suriyaya atacağı raketləri dərhal vuracaqları ilə bağlı bəyanatını şərh edərkən deyib. O bildirib ki, müharibə ehtimalını daha çox Rusiya ekspertləri dilə gətirir:

“Rusiyada ictimai rəyi bu istiqamətə yönləndirmək üçün bu ölkənin kütləvi informasiya vasitələri ABŞ-la Rusiya arasında müharibənin baş verə biləcəyi ehtimalını daha çox qabardır. Bu da şübhəsiz ki, məqsədyönlüdür. Çünki xarici düşmən və müharibə amili çox ciddi birləşdirici, həm də kənar meyillərdən çəkindirici amildir. Sanksiyaların ölkə iqtisadiyyatını çökdürdüyü bir dövrdə isə mövcud Rusiya hakimiyyətinin xalqa verə biləcəyi başqa alternativlər yoxdur. İnsanlara “yaxşı həyat” əvəzinə dünyanı dağıda biləcək “yaxşı silah” vəd olunur. Göründüyü kimi, bu amil hələ də Rusiya cəmiyyəti üçün keçərlidir və Putin hakimiyyəti də bundan məharətlə istifadə edir”.

Analitik qeyd edib ki, proseslərin lokal qarşıdurmalara gətirib çıxara biləcəyi mümkündür:

“Əgər Kreml sadəcə müharibə təbliğatı ilə ictimai sabitliyi uzun müddət qoruyub saxlaya bilməsə, o zaman hərbi provakasiyalarla təbliğatın effektini gücləndirməyə can ata bilər. Amma reallıq ondan ibarətdir ki, bu gün “yaxşı silah” haqqında nağıllarla qlobal iqtisadi proseslərin qarşısını ala bilməzsən. Trampın vergi siyasəti ABŞ iqtisadiyyatını xeyli gücləndirib. Ölkəyə yatırılan investisiyaların həcmi ən yüksək həddə çatıb. Vaxtilə daha ucuz işçi qüvvəsi və əlverişli vergi sisteminə görə ABŞ-ı tərk edən yerli şirkətlər də artıq geriyə qayıtmağa başlayıblar. Rusiyada isə bu proses əks istiqamətdə cərəyan edir. Bu səbəbdən də Kremlin silah və patriotizm təbliğatının uzun müddət effektli olacağını düşünmürəm”.

E.Mirzəbəyli vurğulayıb ki, S-400 zenit raket kompleksidir və hava hücumundan müdafiə üçün nəzərdə tutulub:

“Bu kompleks NATO-nun “Patriot” kompleksinin alternatividir. Amma biz Suriyada Rusiya hərbi texnikasının ABŞ-ın “Tomahavk” qanadlı raketlərinin qarşısında necə aciz durumda olduğunun şahidi olmuşuq. Təbii ki, bu məsələ ətrafında ciddi müqayisə aparmaq üçün nəinki hərbi mütəxəssis olmaq, hətta Hava Hücumundan Müdafiə sistemləri üzrə ciddi informasiyaya malik olmaq da yetərli deyil. Hərbi mütəxəssis olmasam da, faktlara əsaslanıram. Suriya hökumət qüvvələrinin, əslində isə Rusiyanın nəzarətində olan Şayrat aviabazasının taleyi düşünürəm ki, hər kəsin yadındadır”.

Qeyd edək ki, Rusiyanın Livandakı səfiri Aleksandr Zaspikin Hizbullaha yaxınlığı ilə tanınan “Manar” kanalına müsahibəsində ABŞ-ın Suriyaya atacağı raketlərin dərhal vurulacağını bildirib.

Bu xəbəri oxuyanlar aşağıdakı xəbərləridə oxuyub
Azərbaycan və Gürcüstan prezidentlərinin təkbətək görüşü olub
Azərbaycan və Gürcüstan prezidentlərinin təkbətək görüşü olub
Fevralın 27-də rəsmi qarşılanma mərasimindən sonra Azərbaycan
Gürcüstanın Prezidenti Salome Zurabişvilinin rəsmi qarşılanma mərasimi olub
Gürcüstanın Prezidenti Salome Zurabişvilinin rəsmi qarşılanma mərasimi olub
Azərbaycan Respublikasına rəsmi səfərə gələn Gürcüstanın Prezidenti xanım
Avropa Şurasının Bakıdakı ofisinin rəhbəri səfir Zoltan Hernyes Gəncədədir
Avropa Şurasının Bakıdakı ofisinin rəhbəri səfir Zoltan Hernyes Gəncədədir
Gəncə Şəhər İcra Hakimiyyətinin başçısı Niyazi Bayramov Avropa Şurasının
reklam
Akşənər:
Akşənər: - Xocalı türk millətinə qarşı olan qətliamdır
Xocalı qətliamı türk millətinə qarşı edilmiş bir qanlı qətliamdır.
TRT World Xocalı soyqırımı ilə bağlı Bakıdan canlı yayım etdi
TRT World Xocalı soyqırımı ilə bağlı Bakıdan canlı yayım etdi - VİDEOLAR
Xocalı soyqırımının 27-ci ildönümü ilə bağlı Bakıda keçirilən hüzn
Xocalı soyqırımının 27-ci ildönümünə həsr olunmuş tədbir keçirilib
Xocalı soyqırımının 27-ci ildönümünə həsr olunmuş tədbir keçirilib
Azərbaycan Tibb Universitetində Xocalı soyqırımının 27-ci ildönümünə həsr
 
XİA.az - TƏQDİMAT