Kataloniyalılar müstəqilliyə dəstək mitinqi keçirib

Kataloniyalılar müstəqilliyə dəstək mitinqi keçirib
Çərşənbə axşamı yüz minlərlə kataloniyalı keçən il Kataloniya liderinin müstəqillik elan etməsi və ölkəni konstitusiya böhranına sürükləməsindən sonra hadisələrin ildönümünü qeyd etmək üçün Barselona küçələrinə çıxıb.

Zəngin şimal-şərq bölgəsinin İspaniyadan ayrılması tərəfdarları son illər 11 sentyabrda 1714-cü ildə sahildəki paytaxtın ispanlara süqutunun ildönümünü olan "Diada"nı qeyd edərək, bu gündən müstəqillik uğrunda mübarizələrini təşviq etmək üçün istifadə ediblər.

Keçən il Madridin yerli idarəetməyə görünməmiş şəkildə son qoymasının ardınca sürgündə olan sələfindən sonra rəhbərliyə keçən Kataloniya lideri Quim Torra müstəqilliyə dair məcburi referendumun keçirilməsinə dair təklifinə dəstək məqsədilə bu il kataloniyalıları kütləvi mitinqə çağırıb.

Torra televiziya vasitəsilə etdiyi müraciətində Kataloniya hökumətinin "respublikanı reallığa çevirməyi qərara aldığını" söyləyib.

O, müstəqilliyə çağırışda rolu olan həbs edilmiş doqquz siyasətçiyə dəstək rəmzi olaraq sarı rəngli lent taxmışdı. Fəalların həbsi Kataloniya hökümətinin irəli sürdüyü ən böyük şikayətdir.

İyun ayında hakimiyyətə gəlmiş sosialist baş nazir Pedro Sançes daxili siyasətdə ən mürəkkəb məsələ ilə bağlı mühafizəkar sələfi Mariano Rajoydan fərqli olaraq, daha yumşaq yanaşmaya malikdir. Lakin o, Katalonyanın ayrılması istiqamətində hər hansı təktərəfli cəhdə qarşı qəti mövqe nümayiş etdirir.

Keçən il nümayişçilərin bir-birinin çiyinlərinə çıxıb ənənəvi insan qüllələri yaratması ilə qeyd edilən Diada regional hökumətin Madridə qarşı gedərək, referendum keçirmək üçün hazırlaşdığı dövrə düşdü. Rəsmi Madrid səsvermənin qarşısını almaq üçün bölgəyə iğtişaş polisi göndərdi.

Torranın sələfi və müttəfiqi olan Karles Puçdemontun o zaman müstəqillik elan etməsi Madridin Barselonanın ölkənin bölünməz olduğu təsbit edilən 1978-ci il Konstitusiyasını pozduğu əsasında Kataloniyada birbaşa idarəçiliyini tətbiq etməsi ilə nəticələnmişdi.

Müstəqilliklə bağlı hadisələrin ildönümü qeyd olunduğu zaman əlavə polis qüvvələri yerləşdirilib. Hökumətin regional nümayəndəsi ötən həftə təxminən 600 hərbçinin əraziyə göndərildiyini və bunu planlaşdırılan mitinqlərə normal yanaşma olduğunu söyləyib.

İspaniya iqtisadiyyatının beşdə bir hissəsini təşkil edən, təhsil və səhiyyə sistemi, o cümlədən, öz polis qüvvələri olan yüksək muxtariyyətə malik Kataloniyanın ayrılması məsələsi ilə bağlı fikir ayrılıqlarının mövcudluğu aydındır.

Centro d'Estudis d'Opinionun iyul ayında keçirdiyi sorğuda kataloniyalıların 44,9 faizinin müstəqil dövlət istədiklərini, 46,7-nin isə bunu istəmədiyini göstərib.

Ötən ilki qadağan edilmiş referendumda seçici fəallığı yüksək olmasa da, səslərin çoxu müstəqilliyə verilmişdi.

Bu xəbəri oxuyanlar aşağıdakı xəbərləridə oxuyub
FHN-in Akademiyasında məzun buraxılışı və “Bilik günü” münasibətilə tədbir keçirilmişdir
FHN-in Akademiyasında məzun buraxılışı və “Bilik günü” münasibətilə tədbir keçirilmişdir
Azərbaycan Respublikasının Fövqəladə Hallar Nazirliyinin Akademiyasında 17
Dövlət Miqrasiya Xidmətində təlim
Dövlət Miqrasiya Xidmətində təlim
Təlim miqrasiya orqanları işçilərinin peşəkarlıq səviyyəsinin
Baş prokuror Qubada vətəndaşları qəbul edəcək
Baş prokuror Qubada vətəndaşları qəbul edəcək
Azərbaycan Respublikasının Prezidenti cənab İlham Əliyevin tapşırığına və
reklam
Latviyanın ədliyyə naziri Quba Soyqırımı Memorial Kompleksini ziyarət edib
Latviyanın ədliyyə naziri Quba Soyqırımı Memorial Kompleksini ziyarət edib
Latviya Respublikasının ədliyyə naziri Dzintars Rasnaçsın başçılıq etdiyi
Müdafiə naziri düşmənə qarşı daha sərt tədbirlərin görülməsi ilə bağlı konkret tapşırıqlar verib
Müdafiə naziri düşmənə qarşı daha sərt tədbirlərin görülməsi ilə bağlı konkret tapşırıqlar verib
Azərbaycan Respublikasının Müdafiə naziri general-polkovnik Zakir Həsənov
Müdafiə naziri təlimlər keçirilən bölgəyə gəlib
Müdafiə naziri təlimlər keçirilən bölgəyə gəlib
Azərbaycan Respublikasının Prezidenti, Silahlı Qüvvələrin Ali Baş
 
XİA.az - TƏQDİMAT