Azərbaycanda ən çox siqaret bu rayonlarda çəkilir

Azərbaycanda ən çox siqaret bu rayonlarda çəkilir

Respublika üzrə tütün məmulatlarına olan tələbat, ötən illə müqayisədə 2.57 % artıb.

Bir neçə gün öncə spirtli içkilərin ən çox istehlak olunduğu bölgələrlə bağlı yazı dərc etmişdik. Əldə etdiyimiz məlumatlar gözlənilənin tam əksini üzə çıxarmışdı. Belə ki, statistikaya əsasən, spirtli içkilər, daha çox Azərbaycanın cənub regionlarında, xüsusilə Lənkəran rayonunda istehlak olunur. Bu siyahıda ikinci yeri şimal rayonları – Quba-Xaçmaz tutur.

Bəs tütün məhsullarında vəziyyət nə yerdədir? Ən çox və ən az siqaret çəkilən bölgələrimiz hansılardır? Daha çox hansı yaş kateqoriyalarında tütün qəbul edilir? Kişilər, yoxsa qadınlar daha çox siqaret çəkirlər? Bu barədə suallarımızı Dövlət Statistika Komitəsinə ünvanladıq.

Oxu.Az xəbər verir ki, komitədən Sputnik-ə verilən məlumat görə, ölkədə siqareti, ən çox istehlak edən təbəqə – 50-59 yaş arası olan kişilərdir.

O da bildirilib ki, Respublika üzrə tütün məmulatlarına olan tələbat ötən illə müqayisədə 2.57 % artıb.

Maraqlısı odur ki, statistikaya əsasən, siqareti daha çox övladı olmayan kişi və qadınlar çəkirlər. Adam başına düşən hesablamaya görə, kənd yerlərində şəhərlərə nisbətən siqaret çəkənlər üstünlük təşkil edirlər. Komitənin məlumatına görə, tütün məhsullarının istehlakında Dağlıq Şirvan bölgəsində yerləşən rayonlar ilk sırada durur. Bura Ağsu, İsmayıllı, Qobustan və Şamaxı daxildir. 2-ci yeri Şəki-Zaqatala, 3-cü yeri isə Quba-Xaçmaz zonası tutur. Maraqlıdır ki, ən az siqaret Naxçıvan Muxtar Respublikası ərazisində istehlak olunur. Tütün istehsalı və bu məhsulları ölkəyə gətirən bir neçə məşhur şirkətdən də ətraflı məlumat almağa çalışsaq da, sualımıza cavab verən olmayıb.

Mövzu ilə bağlı Azad İstehlakçılar Birliyinin sədri Eyyub Hüseynov da özündə olan məlumatları ilə bölüşüb.

Birlik sədrinin sözlərinə görə, Azərbaycanda ən çox siqaret çəkilən bölgə tənbəkinin ən çox əkildiyi bölgədir. Onlarda olan məlumata görə, tütünün istehlakında ilk sırada Şəki-Zaqatala zonası durur.

E. Hüseynov, həmçinin əlavə edib ki, rəhbəri olduğu qurum hal-hazırda filtrsiz siqaretlərin qeyri-qanuni istehsalı ilə məşğul olanlara qarşı ciddi mübarizə aparır: “Həmin siqaretlər “Qoç Standart”dan sertifikat almadan qeyri-qanuni istehsal olunur. Xüsusilə Bakıda bu proses sürətlə yayılır". "Valideynlər bizə məlumat verirlər ki, kimlərsə onların övladlarına, bir qutusu 50 qəpiyə siqaret satırlar. Bu, ölkədə sürətlə yayılan böyük məişət narkomaniyasıdır. Özüm şəxsən Baş nazirimizə də məktub yazmışam. Ümid edirəm ki, vəziyyət ciddi araşdırılacaq”, – Hüseynov əlavə edib.

Oxu.az

Bu xəbəri oxuyanlar aşağıdakı xəbərləridə oxuyub
VİDEO
VİDEO - Kollecdə korrupsiya şəbəkəsi: qiymət yazılması üçün rüşvət yığılıb
Gəncə Musiqi Kollecinin sabiq direktoru Gülçin Mirzəyeva cinayət başında
Qarabağda erməni əsgəri ölüb
Qarabağda erməni əsgəri ölüb
XİA.az NEWS.am-a istinadən xəbər verir ki, fevralın 17-də Ermənistan
Bakıda “28 Mall” bağlandı
Bakıda “28 Mall” bağlandı
Azərbaycan Fövqəladə Hallar Nazirliyi sosial şəbəkələrdə və bir sıra
reklam
Baş pediatr uşaqlar arasında balansın pozulmasına görə kişiləri günahlandırıb
Baş pediatr uşaqlar arasında balansın pozulmasına görə kişiləri günahlandırıb
"Son illər Azərbaycanda doğulan uşaqlar arasında balans pozulmağa doğru
İlham Əliyev Münxen Təhlükəsizlik Konfransı çərçivəsində keçirilən “dəyirmi masa”da iştirak edib
İlham Əliyev Münxen Təhlükəsizlik Konfransı çərçivəsində keçirilən “dəyirmi masa”da iştirak edib
Prezident İlham Əliyev Münxen Təhlükəsizlik Konfransı çərçivəsində
İlham Əliyev Münxendə MAN SE şirkətinin baş icraçı direktoru ilə görüşüb
İlham Əliyev Münxendə MAN SE şirkətinin baş icraçı direktoru ilə görüşüb
Almaniya Federativ Respublikasında işgüzar səfərdə olan Azərbaycan
 
XİA.az - TƏQDİMAT