Gəncədə 'Fiziki məhdudiyyətli şəxslərlə davranış qaydaları' adlı təlim keçirilib

Gəncədə 'Fiziki məhdudiyyətli şəxslərlə davranış qaydaları' adlı təlim keçirilib
"ASAN Könüllüləri" Təşkilatı Sağlamlıq İmkanları Məhdud Gənclərlə İş departmenti Gəncə "ASAN Xidmət" mərkəzi könüllüləri və GDU-nun tələbələrinə "Fiziki məhdudiyyətli şəxslərlə davranış qaydaları" haqqında təlim keçib.

Gəncə şəhər İcra Hakimiyyəti, YAP Gəncə şəhər Təşkilatı və Gəncə "ASAN Xidmət" mərkəzinin dəstəyi ilə keçirilən tədbir GDU-da baş tutub. Təlim "ASAN Könüllüləri" Təşkilatı Sağlamlıq İmkanları Məhdud Gənclərlə İş departmentinin müdiri Sənan Ələsgərovun həyat və fəaliyyətindən bəhs edən qısametrajlı videonun nümaişi ilə başlayıb.

Gəncə Dövlət Universitetinin prorektoru Gülsüm Fətəliyeva tədbir iştirakçılatını salamlayaraq inklüziv təhsilin Azərbaycanda prioritet istiqamətlərindən olduğunu, əlil gənclərin daim dövlətin qayğı və diqqəti ilə əhatə edildiyini bildirib. O qeyd edib ki, GDU-nun yeni 5-ci tədris binasında “Əlilliyi olan tələbələr üçün mərkəz”yaradılıb. “Əlilliyi olan tələbələrin Azərbaycanın ali təhsil müəssisələrinə inteqrasiyası” məqsədi ilə yaradılan mərkəz müxtəlif avadanlıq və dərs vəsaitləri ilə təchiz olunub. Yaxın günlərdə mərkəzin rəsmi açılışı planlaşdırılır.

Gəncə şəhər İcra Hakimiyyətinin baş məsləhətçisi Şövkət Mirşahin qeyd edib ki, əlillərin rifah halının yaxşılaşdırılması, problemlərinin həlli ölkə rəhbərinin daim diqqət mərkəzindədir. Bunu əlillərin sosial müdafiəsinin gücləndirilməsi istiqamətində həyata keçirilən sosial-iqtisadi islahatlardan, dövlət əhəmiyyətli proqramlardan da aydın görmək olur. Məhz bu islahatların nəticəsində əlillər mənzil, maşın, əlil arabaları ilə təmin olunur, müxtəlif ölkələrdə dövlət vəsaiti hesabına müalicə və bərpa kursları keçirlər, təhsilə və əmək fəaliyyətinə cəlb olunurlar.

"ASAN Könüllüləri" Təşkilatı Sağlamlıq İmkanları Məhdud Gənclərlə İş departmentinin müdiri Sənan Ələsgərov onlar üçün yaradılan şəraiti yüksək qiymətləndirib. O qeyd edib ki, bu gün əlil gənclər də rahatlıqla ASAN könüllülərin sırasına qoşula və ASAN Xidmət mərkəzlərində çalışa bilirlər. Layihənin keçirilməsinin əsas məqsədinə də toxunan Sənan Ələsgərov qeyd edib ki, cəmiyyət əlil insanlarla davranış zamanı müəyyən nüanslara diqqət etməlidir.

Çıxışlardan sonra təlimçi Azər Əlizadə "Fiziki məhdudiyyətli şəxslərlə davranış qaydaları" barədə seminar keçib.

Qeyd edək ki, bu tip təlimlər Gəncədən öncə Qəbələ, Bakı, Quba, Sabirabad keçirilib.

Diskusiya şəkilində davam edən təlimin sonunda təşkilatçı və dəstək göstərən orqan rəhbərlərinə "Təşəkkürnamə" təqdim olunub.

Bu xəbəri oxuyanlar aşağıdakı xəbərləridə oxuyub
23 fevralda gözlənilən hava şəraiti
23 fevralda gözlənilən hava şəraiti
Bakıda və Abşeron yarımadasında fevralın 23-də havanın dəyişkən buludlu
Dövlət Gömrük Komitəsi növbəti mediatur təşkil edib
Dövlət Gömrük Komitəsi növbəti mediatur təşkil edib
Fevralın 22-də ölkənin aparıcı kütləvi informasiya vasitələri
Kəngərli rayonunun Yurdçu kəndində qapalı suvarma şəbəkəsi qurulur
Kəngərli rayonunun Yurdçu kəndində qapalı suvarma şəbəkəsi qurulur
Muxtar respublikada meliorasiya və irriqasiya tədbirlərinin əhatə
reklam
Naxçıvanda yeni Günəş Elektrik Stansiyası istifadəyə verilib
Naxçıvanda yeni Günəş Elektrik Stansiyası istifadəyə verilib
Muxtar respublikanın iqlim şəraiti alternativ və bərpaolunan enerjidən
Goranboy Rayon Mədəniyyət Mərkəzində
Goranboy Rayon Mədəniyyət Mərkəzində "Xocalı faciəsi" ilə bağlı olaraq tədbir keçirilmişdir.
Tədbirdə rayon MKS-nin, rayon Tarix-Diyarşünaslıq Muzeyinin, Dövlət Rəsm
Amerikanın azərbaycanlı iş adamı
Amerikanın azərbaycanlı iş adamı - Şuşadan Vaşinqtona gedən YOL...
Ağıllı, əzmkar, çalışqan gəncləri görəndə adamın ürəyi dağa dönür. Zarafat
 
XİA.az - TƏQDİMAT