Kreml İrəvanı boşadı: hansı qapıya üz tutur-tutsun... - Ekspert

Kreml İrəvanı boşadı: hansı qapıya üz tutur-tutsun...
Artıq Ermənistanın Qərbə və ya başqa bir qapıya üz tutması Rusiyanı o qədər də maraqlandırmır.

Bu sözləri Axar.az-a açıqlamasında Azərbaycanın keçmiş xarici işlər naziri Tofiq Zülfüqarov deyib. Politoloq Rusiyanın Ermənistana münasibətinin tamamilə dəyişdiyini bildirib:

“Məntiqlə Rusiya Ermənistana olan marağını itirir. Ermənistan hərbi-müdafiə və iqtisadi baxımından Moskva üçün heç bir maraq kəsb etmir. Ermənistandan uzaqlaşmaq birbaşa Rusiyanın öz istəyidir. Ermənilər isə Moskvadan ona görə narazıdırlar ki, Rusiya Ermənistanın iqtisadi inkişafını təmin etmək istəmir. Onlar Rusiyanın Ermənistana kredit verəcəyini, sərmayə qoyacağını gözləyirdilər. Ancaq bütün arzuları puç olan Ermənistan indi istədiyini Qərbdən almağa çalışır. Paşinyanın Rusiyadan ermənilərə əsas çağırışı da məhz Ermənistana sərmayə qoyuluşu ilə bağlı idi. Aydın məsələdir ki, Ermənistan hazırda pul axtarışındadır. Bütün bu həqiqətləri görən Ermənistanın yeni rəhbərliyi problemdən çıxış yolları axtarır. Artıq Ermənistanın Qərbə və ya başqa bir qapıya üz tutması Rusiyanı o qədər də maraqlandırmır. Gürcüstan və Ukraynadan fərqli olaraq, Ermənistana yanaşma tamamilə fərqlidir. Bu baxımdan itirilmiş bir dövlətçiliyə -Ermənistana kimin sahiblik etmək istəməsi Moskva üçün heç bir əhəmiyyət kəsb etmir”.

Politoloq hazırda Ermənistanın ciddi şəkildə danışıqlara hazır olduğuna inanmadığını deyib:

“Ona görə ki, Qarabağa təxribat xarakterli səfəri və orada səsləndirdiyi fikirlər, daxili siyasətdə olan problemlər Paşinyana hansısa yeni bir mövqe nümayiş etdirməyə imkan verməyəcək. Ermənistanda qəribə bir vəziyyət hökm sürür. Ermənistanda hamı özlüyündə başa düşür ki, əsas problem Dağlıq Qarabağdır, ancaq bu məsələ müzakirəyə çıxarılanda populist şüarlar səsləndirirlər. Ermənistan əhalisi Qarabağ probleminin həll edilməməsinə görə ölkədə yaranmış vəziyyətə etirazını yalnız ölkədən qaçmağa üstünlük verməklə bildirir. Bununla bağlı hətta xüsusi bir termin də var ki, “ermənilər ayaqları ilə səs verirlər”. Bu baxımdan inanmıram ki, yaxın gələcəkdə Qarabağla bağlı hansısa yeni bir dəyişiklik olsun”.

Politoloq Müdafiə naziri Zakir Həsənovun bir müddət öncə Azərbaycan Ordusunun genişmiqyaslı döyüş əməliyyatlarına tam hazır olması ilə bəyanatını alqışlayıb:

“Hesab edirəm ki, Azərbaycan cəmiyyəti və ictimaiyyəti üçün bu cür bəyanatlar çox vacibdir. Çünki işğala məruz qalan bir millətik, 1 milyondan çox qaçqınımız var. Təbii ki, bu bəyanatlar Azərbaycan ictimaiyyətində inam yaradır. Bu cür bəyanatların səslənməsi çox faydalıdır və özlüyündə ermənilərə də öz təsirini göstərir. Ələlxüsus da indiki şəraitdə - Ermənistanın 90-cı illərin siyasi böhranı içərisində boğulduğu bir vaxtda sözügedən bəyanatlar öz bəhrəsini verir”.

Bu xəbəri oxuyanlar aşağıdakı xəbərləridə oxuyub
23 fevralda gözlənilən hava şəraiti
23 fevralda gözlənilən hava şəraiti
Bakıda və Abşeron yarımadasında fevralın 23-də havanın dəyişkən buludlu
Dövlət Gömrük Komitəsi növbəti mediatur təşkil edib
Dövlət Gömrük Komitəsi növbəti mediatur təşkil edib
Fevralın 22-də ölkənin aparıcı kütləvi informasiya vasitələri
Kəngərli rayonunun Yurdçu kəndində qapalı suvarma şəbəkəsi qurulur
Kəngərli rayonunun Yurdçu kəndində qapalı suvarma şəbəkəsi qurulur
Muxtar respublikada meliorasiya və irriqasiya tədbirlərinin əhatə
reklam
Naxçıvanda yeni Günəş Elektrik Stansiyası istifadəyə verilib
Naxçıvanda yeni Günəş Elektrik Stansiyası istifadəyə verilib
Muxtar respublikanın iqlim şəraiti alternativ və bərpaolunan enerjidən
Goranboy Rayon Mədəniyyət Mərkəzində
Goranboy Rayon Mədəniyyət Mərkəzində "Xocalı faciəsi" ilə bağlı olaraq tədbir keçirilmişdir.
Tədbirdə rayon MKS-nin, rayon Tarix-Diyarşünaslıq Muzeyinin, Dövlət Rəsm
Amerikanın azərbaycanlı iş adamı
Amerikanın azərbaycanlı iş adamı - Şuşadan Vaşinqtona gedən YOL...
Ağıllı, əzmkar, çalışqan gəncləri görəndə adamın ürəyi dağa dönür. Zarafat
 
XİA.az - TƏQDİMAT