"Visa" Azərbaycanda əsas fəaliyyət istiqamətlərini müəyyən edib (ÖZƏL)

"Visa" Azərbaycanda əsas fəaliyyət istiqamətlərini müəyyən edib (ÖZƏL)

"Visa" Azərbaycanda ortamüddətli planlarının üç əsas istiqamətini və fəaliyyət perspektivlərini müəyyənləşdirib.

Bunu Trend-ə açıqlamasında "Visa International"ın MDB və Cənub-Şərqi Avropa ölkələri üzrə baş meneceri Mendi Lemb deyib.

Xanım M.Lemb qeyd edib: "Ortamüddətli perspektivdə strateji baxışımızın üç istiqaməti var. Birincisi, çox səyahət edən, xaricdə çox pul xərcləyən premium seqmentə məxsus müştərilərdir. Onlara əlavə imtiyazlar təklif etmək, onları plastik kartlarla ödəniş etməyə təşviq etmək çox vacibdir. Beləliklə, premium müştəriləri dəstəkləmək bizim üçün çox mühüm istiqamətdir".

Onun sözlərinə görə, "Visa"nın ölkədə ikinci fəaliyyət istiqaməti yaxın gələcəkdə bazarın kütləvi seqmentinin təşviqi olacaq:

"Azərbaycanda plastik kartları olan istehlakçıların əksəriyyəti - 80 faizdən çoxu hələ də "kütləvi bazar-seqment"ə daxildir. Biz belə müştəriləri təşviq etməliyik, belə ki, onlar arasında hələ də nağd hesablaşmalar üstünlük təşkil edir. Biz onların maliyyə savadlılığını artırmalıyıq. Bu sahədə banklarla əməkdaşlıq edə bilərik".

Baş menecerin fikrincə, bu, ölkədə nağdsız hesablaşmaların payını artıracaq:

"Üçüncü istiqamət isə burada tətbiq etməyə hazırlaşdığımız innovasiyalardır. Bu, ilk növbədə, təhlükəsizliyin artırılmasına yönəlmiş rəqəmsal sığorta, rəqəmsal kartların buraxılışı və digər innovasiyalardır. Bütün bu istiqamətlər üzrə tənzimləyici ilə əməkdaşlığı davam etdirəcəyik. Qeyd etmək lazımdır ki, bizim strategiyamız təkcə ortamüddətli deyil, uzunmüddətli perspektivlərə də malikdir".

Bu xəbəri oxuyanlar aşağıdakı xəbərləridə oxuyub
Trampın kürəkəni ABŞ administrasiyasında vəzifə aldı
Trampın kürəkəni ABŞ administrasiyasında vəzifə aldı
Donald Trampın kürəkəni və eyni zamanda müşaviri Cared Kuşner Ağ ev
İlham Əliyev Saatlı rayonuna səfər edib
İlham Əliyev Saatlı rayonuna səfər edib
Azərbaycan Prezidenti İlham Əliyev Saatlı rayonunda səfərdədir.
reklam
“Azərsun”un məhsulu ilə dolu yük maşını müəmmalı şəkildə yoxa çıxıb
“Azərsun”un məhsulu ilə dolu yük maşını müəmmalı şəkildə yoxa çıxıb
Ukraynada “Azərsun Holdinq” şirkətinə məxsus ət məhsulu ilə yüklənmiş yük
Ucarda yük maşınları ağır qəza törədib:
Ucarda yük maşınları ağır qəza törədib: - Ölən var
Ucar rayonunda ölümlə nəticələnən yol qəzası baş verib.
Azad Cavadov:
Azad Cavadov: - Bağlanmış bankların əmlakını satmağa hazırlaşırıq
“Azərbaycan Əmanətlərin Sığortalanması Fondu (ADIF) ləğvedicisi olduğu
 
XİA.az - TƏQDİMAT