Ziyafət Əsgərov: - “Metsamor” Avropa üçün çox böyük təhlükədir

Ziyafət Əsgərov:
“Sosial məsələlərin müzakirəsi, həlli Azərbaycanın daxili siyasətində prioritet məsələlərdən olub”.

XİA.az APA-ya istinadən xəbər verir ki, bu sözləri Milli Məclis sədrinin birinci müavini Ziyafət Əsgərov Avropa Şurası Parlament Assambleyasının (AŞPA) Bakıda keçirilən Sosial məsələlər, sağlamlıq və dayanıqlı inkişaf komitəsinin iclasında çıxışı zamanı deyib.

O bildirib ki, Azərbaycan Konstitusiyasında Sosial hüquqların təminatı ilə bağlı xeyli müddəa var və Azərbaycan bu sahədə bir sıra konvensiyalara qoşulub: “Bu konvensiyalar bu gün Azərbaycanda fəaliyyətdədir. Bəzən avropalı həmkarlar bu məsələlərlə bağlı elə standartlar tələb edirlər ki, onu yerinə yetirmək çətin olur. Nəzərə almaq lazımdır ki, Azərbaycan müstəqilliyini 20 ildən bir qədər artıqdır, təmin edib. Avropa ölkələri isə oturuşmuş ölkələrdir. Azərbaycan, həmçinin 20 faiz ərazisini itirib. Biz işğala məruz qalmışıq. Ölkədə 1 milyondan artıq məcburi köçkün və qaçqın var, onların 300 mini uşaqdır. Azərbaycan bu gün bu problemlərlə yaşayır. Buna baxmayaraq, dövlət öhdəsinə düşən öhdəlikləri yerinə yetirir və yetirəcək”.

Z.Əsgərov qeyd edib ki, gündəlikdə miqrant məsələsi də var və bu problem dünyada uzun müddətdir davam edir: “Bu gün Suriya, İraq qaçqınlarından danışılır. 25 il əvvəl isə bir milyon azərbaycanlı qaçqın və məcburi köçkünə çevrilib. Niyə o vaxt bu barədə danışılmırdı? Burada ikili standartlar da var. Həmçinin Ermənistandakı “Metsamor” Atom Elektrik Stansiyasının potensial təhlükəsi də müzakirə olunmalıdır. Bu stansiya region üçün ən təhlükəli AES-dir. SSRİ texnologiyası ilə tikilib. Orada bir hadisə baş versə, Avropa üçün çox böyük təhlükə yaradar. Ermənistan üstəlik seysmik zonada yerləşir”.

İqlim dəyişiklikləri məsələsinə də toxunan Ziyafət Əsgərov bildirib ki, Azərbaycan iqlim dəyişiklikləri ilə bağlı öhdəlikləri də məsuliyyətlə yerinə yetirir: “Lakin bütün ölkələr bu məsələdə məsuliyyətli olmalıdır”.

Bu xəbəri oxuyanlar aşağıdakı xəbərləridə oxuyub
İranda ardıcıl iki zəlzələ olub
İranda ardıcıl iki zəlzələ olub
Bundan əvvəl isə, yerli vaxtla saat 05:46-da ölkənin mərkəzi bölgəsində
Azərbaycanın Macarıstandakı səfirinə orden verildi
Azərbaycanın Macarıstandakı səfirinə orden verildi
Azərbaycanın Macarıstandakı səfiri Vilayət Quliyevin bu ölkə Prezidentinin
ABŞ Azərbaycanlıları Şəbəkəsi yeni kampaniyaya başlayıb
ABŞ Azərbaycanlıları Şəbəkəsi yeni kampaniyaya başlayıb
ABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə
reklam
Pentaqon:
Pentaqon: - ABŞ Suriyada yeni ordu qurmur
“İŞİD qruplaşmasının məhvinə yönələn hərbi əməliyyat hələ ki, başa
İsrail hərbçiləri ilə fələstinlilər arasında toqquşma baş verib, ölən və yaralananlar var
İsrail hərbçiləri ilə fələstinlilər arasında toqquşma baş verib, ölən və yaralananlar var
“The Times of Israel” qəzetinin məlumatına əsasən, ölən fələstinli 2002-ci
Moskva bazarında güclü yanğın baş verib
Moskva bazarında güclü yanğın baş verib - VİDEO
Bazarın 1-ci mərtəbəsində başlayan yanğın 300 kvadratmetr ərazini əhatə
 
XİA.az - TƏQDİMAT
FAKT