Dövlət Neft Fondu 450 milyon dollarlıq bonus əldə edəcək

Dövlət Neft Fondu 450 milyon dollarlıq bonus əldə edəcək
Dövlət neft fondu 450 milyon dollarlıq bonus əldə edəcək.

Azərbaycan Dövlət Neft Fondu (SOFAZ) “Azəri-Çıraq-Günəşli” yataqlar blokunun 2050-ci ilə kimi işlənilməsi üzrə bağlanmış yeni müqavilə çərçivəsində 31 yanvar 2018-ci ildə 450 milyon dollar məbləğində bonus əldə edəcək.

XİA.az xəbər verir ki, bu barədə “İnterfaks-Azərbaycan” hökumətdən olan mənbəyə istinadən məlumat yayıb.

“Yeni müqavilənin şərtlərinə görə, 2018-2025-ci illər ərzində ADNF bonus qismində 3.6 milyard dollar qəbul edəcək. 450 milyon dollar və ya 774 milyon manat məbləğində ilk tranş 31 yanvar 2018-ci il tarixində SOFAZ-a daxil olacaq”, – deyə mənbə qeyd edir.

“Azəri”, “Çıraq” və “Günəşli” yatağının dərin su qatlarındakı neftin işlənilməsi üzrə müqavilə 20 sentyabr 1994-cü ildə imzalanıb və həmin il, dekabrın 12-də qüvvəyə minib. “Çıraq” yatağında neft hasilatına 1997-ci ilin noyabr ayında, “Azəri” yatağının mərkəzi hissəsində 13 fevral 2005-ci ildə, qərb hissəsində 30 dekabr 2005-ci ildə, “Günəşli” yatağının dərin su qatlarında isə 29 yanvar 2014-cü ildə başlanılıb.

Həmin müqavilənin müddəti 2024-ci ildə bitməli idi. Habelə sentyabrın 14-də Bakıda yataqlar blokunun 2050-ci ilə qədər birgə işlənilməsi üzrə yeni müqavilə imzalanıb.

Yeni müqaviləyə görə, şirkətlərin hasilatdakı payları aşağıdakı kimidir: (layihənin operatoru) Britaniyanın BP şirkəti – 30.37%, SOCAR - 25%, ABŞ-ın “Chevron” şirkəti - 9.57% və “ExxonMobil” şirkəti - 6.79%, Hindistanın ONGC şirkəti – 2,31%, Yaponiyanın “İnpex Corp” şirkəti – 9.31%, və İTOCHU Oil şirkəti - 3.65%, Norveçin “Statoil” şirkəti – 7.27%, Türkiyənin TPAO şirkəti – 5.73%

Yeni müqavilə çərçivəsində investisiya həcminin 2050-ci ilə qədər 43 milyard dollar təşkil etdiyi təxmin edilir. Neftin hasilat həcminin 500 milyon tondan çox olacağı planlaşdırılır.

Bu xəbəri oxuyanlar aşağıdakı xəbərləridə oxuyub
Müdafiə Nazirliyinin BƏYANATI - Düşmən təxribatının qarşısı sərt şəkildə alınacaq
Müdafiə Nazirliyinin BƏYANATI - Düşmən təxribatının qarşısı sərt şəkildə alınacaq
Ermənistanda hakimiyyəti sona çatmış qanlı və cinayətkar rejimin
Dövlət Turizm Agentliyinə sədr təyin edilib
Dövlət Turizm Agentliyinə sədr təyin edilib
XİA.az xəbər verir ki, Azərbaycan Prezidenti İlham Əliyevin “Azərbaycan
Diasporla İş üzrə Dövlət Komitəsinə yeni sədr təyin olundu
Diasporla İş üzrə Dövlət Komitəsinə yeni sədr təyin olundu
XİA.az xəbər verir ki, bu barədə Prezident İlham Əliyev bu gün
reklam
Yeni nazir Muxtar Babayev kimdir?
Yeni nazir Muxtar Babayev kimdir? - DOSYE
Azərbaycan prezidenti İlham Əliyevin sərəncamına əsasən, Muxtar Bahadur
Dövlət Miqrasiya Xidmətinə yeni rəis təyin edildi
Dövlət Miqrasiya Xidmətinə yeni rəis təyin edildi
XİA.az xəbər verir ki, bu barədə Prezident İlham Əliyev bu gün
Ceyhun Bayramov təhsil naziri təyin olundu
Ceyhun Bayramov təhsil naziri təyin olundu
XİA.az xəbər verir ki, dövlət başçısı bu vəzifəyə hazırda nazir
 
XİA.az - TƏQDİMAT