Azərbaycan tam üzən məzənnə rejiminə keçidə hazırlaşır - VİDEO

Azərbaycan tam üzən məzənnə rejiminə keçidə hazırlaşır - VİDEO
Tam üzən məzənnə rejiminə keçid həyata keçirilməlidir və bu baxımdan, ilk növbədə yaxın və ortamüddətli dövrdə məzənnə siyasətinin əsas strateji hədəfi kimi idxalın əvəzlənməsi siyasətinin dəstəklənməsi prioritet seçilə bilər. "APA-Economics" xəbər verir ki, bu barədə Azərbaycanın milli iqtisadiyyat perspektivi üzrə strateji yol xəritəsində qeyd edilib.

Sənəddə qeyd edilib ki, qlobal əmtəə bazarlarında neftin qiymətinin kəskin aşağı düşməsinin Azərbaycanın xarici və daxili iqtisadi balansına neqativ təsirlərini minimuma endirmək, ölkə iqtisadiyyatının beynəlxalq rəqabət qabiliyyətini yüksəltmək, həmçinin ölkənin malik olduğu xarici valyuta ehtiyatlarının bütövlüyünü təmin etmək məqsədilə Azərbaycan Mərkəzi Bankı (AMB) İdarə Heyətinin 2015-ci il 21 dekabr tarixli qərarı ilə sabit məzənnə rejimindən imtina edilib, üzən-tənzimlənən məzənnə rejiminin tətbiqinə başlanılıb.

"Tam üzən məzənnə rejiminin tətbiqinə nail olmaq üçün ilk növbədə yaxın və ortamüddətli dövrdə hazırda tətbiq edilən üzən-tənzimlənən məzənnə rejiminin məzmununun bir daha dəqiqləşdirilməsi vacibdir. Məhz istehlak səbətində idxal məhsullarının payının azaldılmasına nail olma səviyyəsinə uyğun şəkildə məzənnə üçün faktiki tətbiq edilən dəhlizin genişləndirilməsi, ortamüddətli dövrdə isə tamamilə ləğv edilməsi üzən rejimə səmərəli keçidi təmin edəcək. Üzən məzənnə rejiminə keçidin şərtlərindən biri də daxili maliyyə bazarının inkişafına, bazarda hedcinq və məzənnə risklərindən sığortalanmağa imkan verən digər maliyyə alətlərinin təqdim edilməsinə nail olmaqdır", - deyə sənəddə qeyd edilib.

Bundan əlavə, AMB-nin valyuta bazarına müdaxilə strategiyasının hazırlanması və onun maliyyə bazarı iştirakçılarına səmərəli şəkildə kommunikasiya edilməsinin təmin olunması istiqamətində tədbirlər nəzərdən keçiriləcək.

Tədbirlər Planına əsasən, tam üzən məzənnə rejiminə keçid 2017-ci ildə təmin olunacaq. Burada əsas icraçı AMB, digər icraçılar isə Maliyyə Nazirliyi, İqtisadiyyat Nazirliyi və Maliyyə Bazarlarına Nəzarət Palatasıdır.

Bu xəbəri oxuyanlar aşağıdakı xəbərləridə oxuyub
“İmamzadə” dini–mədəniyyət kompleksi ən dəyərli memarlıq abidələrindən biridir
“İmamzadə” dini–mədəniyyət kompleksi ən dəyərli memarlıq abidələrindən biridir
Bu kompleksin ən qiymətli abidəsi türbədir. “İmamzadə” dini-memarlıq
Gəncədə yeni mini futbol meydançası istifadəyə verilib
Gəncədə yeni mini futbol meydançası istifadəyə verilib
Meydança Azərbaycan və ABŞ hökumətlərinin birgə maliyyə dəstəyi ilə ərsəyə
VİDEOREPORTAJ
VİDEOREPORTAJ - Şəkidə 18.2 km-lik avtomobil yolunun tikintisi bitmək üzrədir
Yük və sərnişin daşımasını yaxşılaşdırmaq istiqamətində dövlət başçısının
reklam
Azərbaycan Qəbələ RLS-in saxlanmasına 759,4 min manat xərcləyib
Azərbaycan Qəbələ RLS-in saxlanmasına 759,4 min manat xərcləyib
Azərbaycanın dövlət büdcəsindən 2013-cü ilin ortalarında Rusiyadan təhvil
Prezident təqaüdü alanların sayı 57822 nəfərə çatıb
Prezident təqaüdü alanların sayı 57822 nəfərə çatıb
2016-cı ildə taqaüdlər və sosial müavinətlərlə bağlı xərclərdən 80069,3
İŞİD-in 3 rəhbər şəxsi öldürüldü
İŞİD-in 3 rəhbər şəxsi öldürüldü
Aprelin 27-də Suriyanın Məyəddin şəhərində Türkiyə vətəndaşı Mustafa
 
XİA.az - TƏQDİMAT