Həbs olunan DTX əməkdaşı Mahmudov çetesinin üzvü olub

Həbs olunan DTX əməkdaşı Mahmudov çetesinin üzvü olub
Dövlət Təhlükəsizliyi Xidmətinin(DTX) Şirvan şəhər şöbəsinin əməkdaşı Rövşən Firudin oğlu Ağayev öz həmkarları tərəfindən həbs olunub. Onun adı narkotiklərin qanunsuz dövriyyəsi ilə bağlı məsələyə qarışıb. Dövlət Təhlükəsizliyi Xidməti və Baş Prokurorluğun mətbuat xidmətləri məəslə ilə bağlı birgə məlumat yayıb.

Həmin məlumatda deyilir:

-Dövlət Təhlükəsizliyi Xidmətinin əməkdaşları tərəfindən 5 fevral 2018-ci il tarixdə həyata keçirilmiş əməliyyat-axtarış tədbirləri nəticəsində külli miqdarda narkotik vasitələr - çəkisi 1565,50 qram narkotik vasitə olan heroin və 500 ədəd həbdə təsir miqdarı 20 qram metadon, külli miqdarda psixotrop maddə - çəkisi 307,34 qram təşkil edən metamfetamini qabaqcadan əlbir olan bir qrup şəxs halında İran İslam Respublikası ərazisindən qaçaqmalçılıq yolu ilə Azərbaycan Respublikası ərazisinə keçirən Mehman Şakir oğlu Ağarzayev və Nəriman Telman oğlu Sadıqov ifşa edilərək saxlanılıb. Faktla bağlı başlanılmış cinayət işi üzrə Mehman Ağarzayev və Nəriman Sadıqov barəsində məhkəmə tərəfindən həbs qətimkan tədbiri seçilib. Davam edən istintaqla cinayət əməllərinin törədilməsində həmin şəxslərlə birgə iştirakı müəyyən edilən Şirvan şəhər sakini Xəyal Hüseynağa oğlu Abdullayevin yaşadığı evdə keçirilmiş axtarış zamanı onun satış məqsədilə qanunsuz olaraq əldə edib saxladığı külli miqdarda - ümumi çəkisi 77,4 qram 258 ədəd güclü təsir edən maddə olan preqabalin həbləri aşkar edilərək götürülüb. X.Abdullayev iş üzrə təqsirləndirilən şəxs qismində cəlb edilərək barəsində məhkəmə tərəfindən həbs qətimkan tədbiri seçilib.

Araşdırmalar zamanı məlum olub ki, Dövlət Təhlükəsizliyi Xidmətinin Şirvan şəhər şöbəsinin əməkdaşı Rövşən Firudin oğlu Ağayev və onunla əlbir olan Şirvan şəhər sakini Mətləb Sabir oğlu Əmirov Şirvan şəhər sakini Sarayxanım Nadir qızı Abdullayevadan sonuncunun oğlu təqsirləndirilən şəxs X.Abdullayevin həbsdən buraxılmasına köməklik edilməsi adı altında dələduzluq yolu ilə xeyli miqdarda pul vəsaiti alıblar.

Araşdırmalarla həmçinin müəyyən edilib ki, S.Abdullayeva 24 may 2018-ci il tarixdə itkin düşüb. Qeyd olunan faktlar üzrə başlanmış cinayət işi üzrə həyata keçirilən birgə istintaq hərəkətləri və əməliyyat-axtarış tədbirləri nəticəsində R.Ağayev Dövlət Təhlükəsizliyi Xidməti orqanlarından xaric edilib və iş üzrə R.Ağayev və M.Əmirov şübhəli şəxs qismində saxlanılıblar. Hazırda S.Abdullayevanın itkin düşməsi ilə bağlı Daxili İşlər Nazirliyi, Dövlət Təhlükəsizliyi Xidməti və Baş Prokurorluğun aidiyyəti qurumları tərəfindən zəruri və təxirəsalınmaz istintaq-əməliyyat tədbirləri davam etdirilir.

Musavat.com-a daxil olan məlumata görə həbs olunan DTX əməkdaşı Eldar Mahmudovun çetesinin üzvü olub. 2015-də Eldar Mahmudov Milli Təhlükəsizlik Nazirliyində keçirilən məlum “təmizləmə”lərdən və həbslərdən sonra vəzifəsindən uzaqlaşıdırılıb. Buna baxmayaraq sistemdə Mahmudova bağlı qüvvələr qalmaqdadır. Belə məlumatlar var ki, Rövşən Firudin oğlu Ağayev Eldar Mahmudovun nazirliyi dövründə təhlükəsizlik orqanına işə götürülüb. Ona bağlı kadrlardan hesab edilib.


E.HÜSEYNOV
Musavat.com

Bu xəbəri oxuyanlar aşağıdakı xəbərləridə oxuyub
Hökumət sosial şəbəkədə şayiə texnologiyasını necə durdurdu
Hökumət sosial şəbəkədə şayiə texnologiyasını necə durdurdu
Sülhəddin Əkbər: “Kibercinayətkarlığa qarşı mərkəz yaradılmalıdır; panika
“Pegasus Airlines” aviaşirkəti Ankaradan Bakıya uçuşlar həyata keçirəcək
“Pegasus Airlines” aviaşirkəti Ankaradan Bakıya uçuşlar həyata keçirəcək
Türkiyənin “Pegasus Airlines” aviaşirkəti martın 15-dən başlayaraq
Güclü külək Bakıda fəsadlar törətdi
Güclü külək Bakıda fəsadlar törətdi
Paytaxtda müşahidə olunan kəskin hava şəraitindən insanlar qorunsa da,
reklam
Elxan Şahinoğlu: “Deyirlər ki, tərəflər xalqları sülhə hazırlamalıdırlar, hansı sülhə?!”
Elxan Şahinoğlu: “Deyirlər ki, tərəflər xalqları sülhə hazırlamalıdırlar, hansı sülhə?!”
Ekspertlərdən Paris görüşündən sonra yayılmış bəyanata maraqlı
“Qiymət artsa, siqaretdən istifadə azalar” iddiasına reaksiyalar
“Qiymət artsa, siqaretdən istifadə azalar” iddiasına reaksiyalar
Ümumdünya Səhiyyə Təşkilatının (ÜST) Azərbaycan üzrə ölkə ofisinin rəhbəri
Struktur dəyişikliyi ETSN-ə çatdı
Struktur dəyişikliyi ETSN-ə çatdı
Yanvarın 16-da prezident İlham Əliyev “Azərbaycan Respublikası Ekologiya
 
XİA.az - TƏQDİMAT