Prezident Mingəçevir İES-dəki qəza ilə bağlı sərt danışdı - VİDEO

Prezident Mingəçevir İES-dəki qəza ilə bağlı sərt danışdı - VİDEO
Mingəçevirdəki İstilik Elektrik Stansiyasında baş vermiş qəzadan sonra ölkənin enerji sistemində əmələ gəlmiş ciddi problemlərlə bağlı prezident İlham Əliyev konkret tapşırıqlar verdi. Dövlət başçısı cavabdeh qurumlara ciddi şəkildə xəbərdarlıq etdi, günahkarların ən qısa zamanda tapılıb məsuliyyətə cəlb edilməsini tapşırdı. Yüz milyonlarla manat investisiyanın qoyulduğu bir sektorun bir gecədə iflic vəziyyətinə düşməsini ciddi səhv adlandırdı.

''Son illər ərzində Azərbaycanın enerji sektoruna çox böyük investisiyalar qoyulub. Son 15 il ərzində Azərbaycanda onlarla yeni elektrik stansiyasi istifadəyə verilib. Eyni zamanda, bölgələrdə su elektrik stansiyalari yaradılıb. Amma bir qəza nəticəsində demək olar ki, bütün enerji sistemi sıradan çıxdı. Bu məsələ çox ciddi suallar yaradır''. Bu sözləri Mingəçevirdəki İstılık Elektrık Stansıyasında baş vermiş qəzadan sonra ölkənin enerji sistemindəki mövcud vəziyyətlə bağlı keçirilən müşavirədə prezident İlham Əliyev deyib.

Dövlət başçısı bir qəzaya görə ölkənin enerji sistemin çökməsini böyük səhv adlandırıb. Azərenerji ASC-nin sədri Etibar Pirverdiyev son günlər ərzində enerji istehlakının isti havalarla bağlı 40 faiz artdığını və qəzanın da buna görə baş verdiyini bildirib. Prezident İlham Əliyev isə isti havanın qəzaya səbəb olması fikri ilə razılaşmadığı vurğulayıb.

Dövlət başçısı qeyd edib ki, son 15 ildə 30 elektrik stansiyası tikilibsə, qəzadan sonra enerji sisteminin çökməsi cavabdeh qurumun səriştəsizliyidir. Qəzadan sonra iqtisadiyyata çox ciddi ziyan dəydiyini də qeyd edən dövlət başçısı milyonlarla insanın hadisədən əziyyət çəkdiyini deyib. O, bunun utancverici bir hadisə olduğunu bildirib.

Müşavirə zamanı çıxış edən səhiyyə naziri Oqtay Şirəliyev xəstəxanalarda generatorların quraşdırıldığını vurğulayıb. Prezident İlham Əliyev isə buna cavab olaraq onda fərqli məlumatların olduğunu deyib.

Prezident İlham Əliyev hadisədə günahı olanların cəzalandırılmasının və stansiya ilə bağlı əlavə tədbirlərin görülməsinin vacibliyini də vurğulayıb...

Prezident İlham Əliyev çətin günlərdə vətəndaş həmrəyliyin ən yüksək səviyyədə olduğunu bildirib və hər kəsə təşəkkür edib

Müşavirənin sonunda prezident İlham Əliyev vurğulayıb ki, məsələ ilə bağlı yaradılan komissiya tezliklə obyektiv araşdırma apararaq nəticələri təqdim etməlidir.

Bu xəbəri oxuyanlar aşağıdakı xəbərləridə oxuyub
Həbs olunmuş dünya çempionuna atmaca:
Həbs olunmuş dünya çempionuna atmaca: - Orada şeir yazarsan
Arvadını döydüyü üçün həbs edilən budo döyüş idman növü üzrə dünya
Gələn həftə hava kəskin soyuyacaq
Gələn həftə hava kəskin soyuyacaq
Azərbaycanda fevralın 17-nə gözlənilən hava proqnozu açıqlanıb. Bu barədə
Prezidentdən Siyavuş Novruzovla bağlı sərəncam
Prezidentdən Siyavuş Novruzovla bağlı sərəncam
Prezident İlham Əliyev Milli Məclisin deputatı Siyavuş Novruzovun təltif
reklam
Narkoloji Mərkəzdəki “yanğın işi”:
Narkoloji Mərkəzdəki “yanğın işi”: - İntihar etmək istəyirdimsə, camaatı niyə yandırırdım?
Bakı Ağır Cinayətlər Məhkəməsində Narkoloji Mərkəzdə baş verən yanğınla
Venesuelaya qarşı yeni sanksiyalar
Venesuelaya qarşı yeni sanksiyalar
ABŞ Venesuela hökumətinə qarşı yeni sanksiyalar tətbiq edib. Bu haqda ABŞ
Qohumlar birləşib, zavodun 75 min manatını “əritdi”
Qohumlar birləşib, zavodun 75 min manatını “əritdi”
İsmayıllıda istehsalat müəssisəsində dəfələrlə oğurluq edən dəstə
 
XİA.az - TƏQDİMAT