Hemofiliya xəstələri dövlət qayğısı ilə əhatə ediliblər

Hemofiliya xəstələri dövlət qayğısı ilə əhatə ediliblər
Azərbaycan Respublikasının Prezidenti cənab İlham Əliyev və I Vitse Prezident, İssesko və Yuneskonun xoşməramlı səfiri birinci xanım Mehriban Əliyeva ölkə vətəndaşlarının səhiyyə xidmətləri ilə təmin edilməsinə xüsusi önəm verirlər. Bunun bariz nümunəsi səhiyyə müəssisələrinin yenidənqurulması, əhaliyə tibbi xidmət məqsədi ilə qəbul olunmuş dövlət proqramlarıdır. Xüsusi əhəmiyyət kəsb edən sənədlərdən biri kimi “Hemofiliya və talassemiya irsi qan xəstəliklərinə düçar olmuş şəxslərə qayğı” üzrə dövlət proqramını qeyd etmək olar.

16.04.2018-ci il tarixində M.Mirqasımov adına Respublika Klinik Xəstəxanasında dövlət proqramı çərçivəsində görülən işlər və 17 aprel Ümumdünya Hemofiliya Günü ilə əlaqədar tədbir keçirilib. Tədbirdə qeyd edildi ki, Qafqaz regionunda ilk Hemofiliya mərkəzi məhz Bakıda 1973-cü ildə yaradılıb. Hazırda mərkəz çoxprofilli M.Mirqasımov adına Respublika Klinik Xəstəxanasının Hematologiya şöbəsinin nəzdində fəaliyyət göstərir. Mərkəzdə 1595 xəstə dispanser qeydiyyatdadır. Qeydiyyatda olan xəstələr xəstəxananın müxtəlif ixtisaslı həkimləri tərəfindən müayinə, müalicə və reabilitasiya xidmətəri ilə təmin olunurlar. Uzun illər Hemofiliya mərkəzində aparılan gərgin işlər nəticəsində respublikamızda yaşayan hemofiliyalı xəstələrin dispanser qeydiyyatı və pasportlaşması həyata keçirilib.

Dövlət proqramının tədbirlər planına əsasən hemofiliyalı xəstələrə göstərilən tibbi yardımın təkmilləşdirilməsi, onların laxtalanma faktorları ilə təminatı, qanaxmaların profilaktikası, ağırlaşmaların aradan qaldırılması, həyat keyfiyyətinin yaxşılaşması, ömürlərinin uzadılması, əlilliyin, vaxtsız ölümlərin qarşısının alınması məqsədi ilə fəaliyyətlərin icrası nəzərdə tutulub. Tədbirlər Planı çərçivəsində xəstələrin qeydiyyatının aparılmasını təmin etmək, xəstələrin ağırlaşmalar, əlillik, ölüm halları, habelə müalicə-profilaktika tədbirlərinin səmərəliliyi barədə məlumat almaq məqsədi ilə hemofiliyalı xəstələrin registri yaradılıb. Bu məlumatlar ölkənin bütün bölgələrindən toplanaraq vahid sənəd şəklində formalaşdırılır. Bu da dərman preparatlarının istifadəsi və paylanmasına nəzarətin həyata keçirilməsi üçün olduqca zəruridir.

Azərbaycanda hemofiliyalı xəstələr lazımi dərman preparatları ilə təmin edirlər. Bu gün inkişaf etmiş ölkələrdə olduğu kimi Azərbaycanda da hemofiliyalı xəstələr ev şəraitində, ambulator və stasionar şəraitdə müalicə alırlar.

Səhiyyə Naziri cənab Oqtay Şirəliyevin göstərişi ilə inkişaf etmiş ölkələrdə olduğu kimi Azərbaycanda da, ən ağır hemofiliyalı xəstə uşaqlar I profilaktikaya götürülür. Bu xəstə uşaqlar ağır hemofiliyalı vəziyyətdən, orta və yüngül vəziyyətə keçirilir, əlilliyin qarşısı alınır və sağlam uşaqlardan seçilmirlər.

Hər il hemofiliyalı xəstələrdə müxtəlif böyük və kiçik cərrahi əməliyyatlar həyata keçirilir. Bunlardan oynaqların endoprotezləşməsi, dişlərin əkilməsi, plastik cərrahiyyə əməliyyatları və s. qeyd etmək olar.

2017-ci ilin statistik məlumatlarına əsasən ölkədə 1595 hemofiliyalı xəstə dispanser qeydiyyatındadır. Onlardan 1-5 yaş arası olan 98 uşağın 54-ü ilkin profilaktikaya götürülüb. 5-15 yaş arası uşaq və yeniyetmələr isə 231 nəfərdir. Bu da ümumi xəstələrin 21%i təşkil edir. Bu problemdən əziyyət çəkənlərin 758 nəfəri Bakı, 77 nəfəri isə Sumqayıt şəhərlərinin sakinidir.

Bu xəbəri oxuyanlar aşağıdakı xəbərləridə oxuyub
Abbas Bağırov köməkçisini bağışladı
Abbas Bağırov köməkçisini bağışladı
Bu gün Bakı Ağır Cinayətlər Məhkəməsində dələduzluqda təqsirləndirilən
Canavarlar kəndlərə hücum edir
Canavarlar kəndlərə hücum edir - Nazirlik hərəkətə keçdi
oranboy rayonunun Boluslu və Eyvazlılar kəndlərinə canavarların hücum
Martdan Azərbaycanda minimal pensiya 160 manat olacaq
Martdan Azərbaycanda minimal pensiya 160 manat olacaq
“Əmək pensiyaları haqqında” qanuna dəyişikliklər layihəsi parlamentin bu
reklam
Sinoptiklər şaxtalı hava vəd edirlər
Sinoptiklər şaxtalı hava vəd edirlər
Fevralın 20-də Bakı və Abşeron yarımadasında yağıntının səhər tədricən
İlham Əliyev çoxmənzilli binalarla bağlı fərman imzaladı
İlham Əliyev çoxmənzilli binalarla bağlı fərman imzaladı
Prezident İlham Əliyev bəzi çoxmənzilli binaların istismarına icazə
Bakıda silah gəzdirən Masallı sakini tutuldu
Bakıda silah gəzdirən Masallı sakini tutuldu - FOTO
Nərimanov Rayon Polis İdarəsi 16-cı Polis Bölməsi əməkdaşları tərəfindən
 
XİA.az - TƏQDİMAT