Səhiyyə Nazirliyi yeni virusla əlaqədar insanları diqqətli olmağa çağırdı

Səhiyyə Nazirliyi yeni virusla əlaqədar insanları diqqətli olmağa çağırdı

Səhiyyə Nazirliyi Respublika Taun Əleyhinə Stansiyası dünyanın bəzi ölkələrində yayılan MERS virusu ((MERS - Middle East Respiratory Syndrome) ilə əlaqədar insanları diqqətli olmağa çağırıb.

Stansiyanın Xüsusi təhlükəli yoluxucu xəstəliklərin epidemiologiyası şöbəsinin müdiri, tibb elmləri namizədi Rita İsmayılova bildirib ki, MERS virusunun Azərbaycana keçməsinin qarşısını almaq üçün Səhiyyə Nazirliyi tərəfindən qabaqlayıcı tədbirlərin görülməsinə başlanılıb: "Bununla əlaqədar sərhəd-keçid məntəqələrində hərarətli xəstələr, xəstələnmə hallarının çox olduğu dövlətlərdən Azərbaycana gələn insanlar üzərində müşahidələr aparılır, eyni zamanda dezinfeksiya işləri həyata keçirilir. Xəstəliklə əlaqədar həm əhali, həm də tibb işçiləri arasında maarifləndirmə işləri aparılır. Biz qabaqlayıcı tədbirlərin hamısını görürük. Ancaq heç bir ölkə xəstəlikdən sığortalanmayıb. Əgər hansısa bir xəstə Azərbaycana gələrsə, Elmi Tədqiqat Ağçiyər Xəstəlikləri İnstitutunda tənəffüs çatışmazlığı və s. simptomları olan xəstələri müalicə etmək üçün bütün şəraiti olan xüsusi palatalar var. Belə palatalar Ebola virusunun yayıldığı dövrdə də olub. Əgər belə hal olarsa, xəstələr oraya qospitalizasiya olunacaq və orada sistematik müalicə aparılacaq”.

MERS virisunun coronaviruslara aid olduğunu və xüsusi təhlükəli viruslar qrupundan olduğunu deyən R.İsmayılovanın sözlərinə görə, MERS virusuna yoluxan insanlarda xəstəliyin maksimal inkubasiya dövrü 14 gündür: "MERS virisuna yoluxan insanlarda xəstəliyin yüksək hərarət, qripə oxşar əlamətlər, təngənəfəslik, tənəffüs çatışmazlığı, ishal kimi simptomları müşahidə edilir".

Respublika Taun Əleyhinə Stansiyasının rəsmisi xəstəliyin müalicəsi və ona qarşı vaksin olmadığı üçün insanları daha diqqətli olmağa da çağırıb: "Xəstəlikdən qorunmaq üçün insanlar əllərini tez-tez yumalı, nəm salfetlərlə silməli, çirkli əllərlə ağzına, burnuna, gözünə toxunmamalı, maskalardan istifadə etməlidirlər".

R.İsmayılova hazırda Azərbaycanda xüsusi təhlükəli infeksiyalarla bağlı vəziyyətin sabit olduğunu da nəzərə çatdırıb.

Xatırladaq ki, hazırda Cənubi Koreya və Filippində MERS virusuna yoluxma halları kütləviləşib./trend/

Bu xəbəri oxuyanlar aşağıdakı xəbərləridə oxuyub
​İŞİD-dən şok anons: İranı işğal edəcəyik...
​İŞİD-dən şok anons: İranı işğal edəcəyik...
Videoda İŞİD-in 3 nümayəndəsi çıxış edir. Bu şəxslər İrandan yaşayan fars,
Neftçalada balıqçı Kür çayında batdı
Neftçalada balıqçı Kür çayında batdı
Ötən gün axşam saatlarında Neftçalanın 2-ci Mayak kəndinin ərazisində
MTN polkovnikinin cinayət işinə xitam verilib
MTN polkovnikinin cinayət işinə xitam verilib
Ləğv olunmuş Milli Təhlükəsizlik Nazirliyinin (MTN) Antiterror Mərkəzinin
reklam
Əli İnsanovun cinayət işi məhkəməyə göndərilib
Əli İnsanovun cinayət işi məhkəməyə göndərilib
Ə. İnsanov 2005-ci ilin oktyabr ayında həbs olunub. O, dövlət
 
XİA.az - TƏQDİMAT