Səhiyyədə daha bir rüşvət İDDİASI - "İşdə qalmağımçün 5 min istədi"

Səhiyyədə daha bir rüşvət İDDİASI
Baş həkimin tələb etdiyi rüşvəti verməyən tibb bacısı işdən çıxarılıb. Bu barədə məlumatıaznews.az-a rayonun Seyfəli kənd sakini, işdən çıxarılan tibb bacısı Aybəniz Abdullayeva verib. O bildirib ki, baş həkim ondan işdən çıxarılmaması müqabilində 5 min manat istəyib:

"33 ildir ki, Çinarlı qəsəbəsində (keçmiş Leninkənd) yerləşən xəstəxanada tibb bacısı işləyirəm. 2012-ci ildə kursdan keçdim. 2014-cü ilin dekabr ayında isə Çinarlı Qəsəbə Xəstəxanasının baş həkimi Altay Quliyev məndən tez bir zamanda ona 5 min manat verməyimi tələb etdi. Bildirdi ki, verməsən, səni işdən çıxardacam. 2015-ci ilin may ayında isə mənə dedi ki, 5 mini vermədiyin üçün Şəmkir Rayon Mərkəzi Xəstəxanasının baş həkimi Nürəddin Əhmədovun məsləhəti ilə səni işdən azad etdik. Mən dəfələrlə Nürəddin Əhmədovun qəbulunda olmuşam. Sonuncu dəfə o mənə bildirdi ki, növbəti dəfə buraya gəlsən, səni dəlixanaya qoyduracam. Çinarlı Qəsəbə Xəstəxanasının baş həkimi Altay Quliyev heç kimdən qorxmadığını, onun arxasında Nurəddin Əhmədovun və Bakıdakı tanışlarının olduğunu deyir. Hər dəfəsində istənilən yerə şikayət edə biləcəyimi bildirir. Altay Quliyev 65 yaşı tamam olmuş işçiləri təqaüdə göndərmək əvəzinə hansısa yollarla onları xəstəxanada saxlayır. Mən öz işimə yenidən bərpa olunmaq istəyirəm. Çünki üç övladım var. Həyat yoldaşım da rəhmətə gedib. Heç bir yerdən də gəlir yerim yoxdur".

Məsələyə münasibət bildirən Çinarlı Qəsəbə Xəstəxanasının baş həkimi Altay Quliyev Aybəniz Abdullayevanın dediklərinin yalan olduğunu bildirdi. Onun sözlərinə görə, tibb bacısını işdən Şəmkir Rayon Mərkəzi Xəstəxanası çıxardıb: "Mənə yox, onlara müraciət etmək lazımdır. Çünki mənim elə bir səlahiyyətim yoxdur ki, kimsəni işə götürüb, çıxardım. Aybəniz Abdullayeva dövlət sertifikasiya komissiyasından kəsildiyi üçün nazirlik onu işdən çıxardıb. Belə olan halda mən ondan necə pul istəyə bilərəm? Ümumiyyətlə, mən ondan pul istəməmişəm. Biz kənd xəstəxanası olaraq nə işçi götürürük, nə də işçi çıxarırıq. O işlərə mənim qarışacağım yoxdur".

Altay Quliyev Aybəniz Abdullayevanın yaxşı tibb bacısı olduğunu vurğulayıb: "O, gözəl işçidir. Mənim onunla elə də pis münasibətim olmayıb".

Şikayətdə adı keçən Şəmkir Rayon Mərkəzi Xəstəxanasının baş həkimi Nurəddin Əhmədov isə telefonlarımıza cavab vermədi.

Bu xəbəri oxuyanlar aşağıdakı xəbərləridə oxuyub
Dollar sürətlə bahalaşır
Dollar sürətlə bahalaşır - HƏRRAC
Bu gün Azərbaycan Mərkəzi Bankında (AMB) Dövlət Neft Fondunun da iştirak
Bazardakı şübhələr nefti bahalaşmağa qoymur
Bazardakı şübhələr nefti bahalaşmağa qoymur
Dünya bazarında xam neftin qiymətində qeyri-stabillik müşahidə olunur. APA
Azərbaycanda bir neçə universitetin vergi borcu silinib
Azərbaycanda bir neçə universitetin vergi borcu silinib
Azərbaycanda fəaliyyətdə olan və fəaliyyəti dayandırılmış bir neçə
reklam
20 manata görə ölkədən çıxışa qadağa qoyula bilərmi?
20 manata görə ölkədən çıxışa qadağa qoyula bilərmi?
Bakı Şəhər Dövlət Yol Polisi İdarəsi yol hərəkəti qaydasını pozduğu üçün
Şəmkirdəki hadisəyə görə məktəb direktoru işdən çıxarılıb
Şəmkirdəki hadisəyə görə məktəb direktoru işdən çıxarılıb
Təhsil Nazirliyinin bir sıra kütləvi informasiya vasitələrində Şəmkir
Krımda azərbaycanlı iş adamı həbs olunub
Krımda azərbaycanlı iş adamı həbs olunub
Azərbaycanlı iş adamı Emil Yunus oğlu Çemodanov Krımda dini zəmində
 
XİA.az - TƏQDİMAT