PEDİATRDAN XƏBƏRDARLIQ: Öskürək əleyhinə siropları uşaqlara verməyin

PEDİATRDAN XƏBƏRDARLIQ: Öskürək əleyhinə siropları uşaqlara verməyin
Havalar bir azca soyuyan kimi uşaqların çoxu öskürməyə başlayır. Təbii ki, valideynlər də dərhal təşvişə düşərək, uşağa soyuq dəydiyini zənn edir və öskürəyin keçməsi üçün hər vasitəyə əl atırlar.

Öskürək heç də hər zaman soyuqdəymənin əlaməti deyil. Bəzən düzgün nəfəs almamağın, virusun, alllergiyanın da nəticəsi ola bilər.
Öskürək tənəffüs yollarına düşmüş yad maddələrə qarşı əmələ gələn bədənin özünümüdafiə mexanizmidir. Virusların, bakteriyaların hücumuna məruz qalaraq, yaxud allergen reaksiya kimi tənəffüs yollarında seliyin miqdarı artır, bundan da qurtulmaq üçün orqanizm öskürək reaksiyası verir. Valideynlərin də çoxu uşağın öskürdüyünü görən kimi əsas səbəbi öyrənmədən aptekə gedərək əczaçının məsləhət gördüyü dərmanı, siropu alıb uşağa verməyə başlayır. Bəzən bu özbaşına müalicə təsadüf nəticəsində müsbət təsir göstərir, bəzənsə öskürək azalmaq əvəzinə daha da artır.

Pediatr Günay Rəsulova deyib ki, həkim məsləhəti olmadan aptekdən öskürək əleyhinə dərman alıb uşağa içirtmək yolverilməzdir. İlk növbədə öskürəyin yaranma səbəbi tapılmalıdır: “Öskürəyin yaranma səbəbləri arasında tənəffüs sistemi xəstəlikləri - sinusit, bronxit və pnevmoniya, mədə-bağırsaq xəstəlikləri – reflyuks, ağciyərlərin irsi, anadangəlmə xəstəlikləri, anomaliyaları, vərəm, allergik xəstəliklər, astma və başqa xəstəliklər dura bilər. Ona görə də öskürək başlayan zaman əsas səbəbi tapıb, ona uyğun müalicə aparılmalıdır. Öskürək əleyhinə nəzərdə tutulmuş siropları uşaqlara verməzdən öncə mütləq həkimlə məsləhət edin. Yerli-yersiz istifadə edilən "öskürək siropları" öskürəyi daha da artıra, körpələrdə isə obstruksiya, boğulma verə bilər. Öskürəyi olan uşaq pediatr tərəfindən müayinə olunub, uyğun müalicə təyin edildikdən sonra belə, öskürək bir müddət, hətta 2 aya qədər də davam edə bilər. Odur ki, müalicənin effektini gözləyərək, əlavə dərman preparatlarının istifadəsinə tələsməmək lazımdır”.

Həkimin sözlərinə görə, öskürəyi olan uşağa kömək etmək məqsədilə bol maye verilməsində fayda var. Su ən yaxşı bəlğəm durulaşdırıcıdır, uşağın vəziyyətinin yüngülləşməsində çox kömək olur. Bundan başqa uşaqları çox ağır öskürəklə özünü büruzə verən göy öskürək kimi infeksion xəstəliyindən qorumaq üçün peyvəndlər mütləq edilməlidir.

Bu xəbəri oxuyanlar aşağıdakı xəbərləridə oxuyub
Dünya gözəli seçilən iranlı aktrisalar
Dünya gözəli seçilən iranlı aktrisalar
45 yaşlı Niki Kərimi siyahıda 14-ci yeri tutub. Onun həmyerlisi 33 yaşlı
Moskvada Qarabağ danışıqlarının gizli
Moskvada Qarabağ danışıqlarının gizli - Detalları
Bu sözləri politoloq Arzu Nağıyev deyib. Ekspertin sözlərinə görə,
Ermənistan boşalır:
Ermənistan boşalır: - Ölkə əhalisi 13 min nəfər azaldı
2017-ci ilin yanvar-mart aylarında ölkədə yeni doğulan körpələrin sayı
reklam
Ermənilərin dünən atdığı OSA raketi nə qədər təhlükəlidir?
Ermənilərin dünən atdığı OSA raketi nə qədər təhlükəlidir?
Dünən axşam saatlarında Ermənistan müdafiə bölmələri tərəfindən cəbhənin
Ermənistanda ABŞ, İsrail və Rusiya vətəndaşlarına saxta diplomlar verən üç rektor həbs olunub
Ermənistanda ABŞ, İsrail və Rusiya vətəndaşlarına saxta diplomlar verən üç rektor həbs olunub
Ermənistan MTX-nın bundan əvvəl yaydığı məlumatda bildirirdi ki, üç özəl
Dünya birjalarında neft bahalaşıb
Dünya birjalarında neft bahalaşıb
XİA.az xəbər verir ki, Nyu-Yorkun NYMEX əmtəə birjasında keçirilən
 
XİA.az - TƏQDİMAT