Ruhani Paşinyanı İrana çağırdı: Tehranın İrəvan qorxusu

Ruhani Paşinyanı İrana çağırdı: Tehranın İrəvan qorxusu
Paşinyanın açıq-aşkar qərbyönümlü siyasət yürütməsi İranda da təşviş doğurub.

Bu sözləri Axar.az-a Ermənistan prezidentinin İrana gözlənilən səfərini şərh edən politoloq Tofiq Abbasov deyib. O bildirib ki, Paşinyanın siyasəti getdikcə bütün qonşu ölkələr üçün ciddi suallar doğurur:

“Paşinyan siyasi konyekturanı elə bir tərzdə dəyişmək istəyir ki, Ermənistan staqnasiyadan sonra qıc vəziyyətindən çıxa bilsin. Bu prosesdə də Ermənistanın əsas ümidi Qərbədir. Ona görə də Paşinyanın qarşıdakı görüş və məsləhətləşmələri bir çox ölkələr üçün əhəmiyyət kəsb edir. Bu ölkələr sırasında əsasən Rusiya, ələlxüsus da İranın adını çəkmək olar. Çünki İranla Ermənistanın uzun müddətdir münasibətləri var və onlar problemlərini bir-birlərinə söykənərək həll edir, son zamanlar isə tranzit, mal dövriyyəsi ilə bağlı iqtisadi zəmində dividentlər əldə etməyə çalışırdılar. Ancaq Paşinyanın açıq-aşkar qərbyönümlü siyasət yürütməsi İranda da təşviş doğurub. Onun məxməri inqilabının zəfər çalması İranda birmənalı qarşılanmayıb. Paşinyan iki ay ərzində ABŞ-ın İrəvandakı səfiri və Avropa İttifaqının sədri ilə görüşlər keçirib və məsləhətləşmələr aparıb. Ona görə də İran Ermənistanın yeni siyasətini, o cümlədən Tehranla münasibətlərdə hansı prioritetlərə üstünlük verəcəyini Paşinyanın dilindən eşitmək istəyir. Ruhani də Nikolu İrana məhz buna görə dəvət edib”.

Politoloqun sözlərinə görə, Ermənistanın İranla yaxın münasibətlərinə baxmayaraq, Paşinyan əsas sirlərini Ruhani ilə bölüşməyəcək:

“Ruhaninin sözügedən dəvəti əslində çox planlı bir şəkildə hazırlanıb. Hazırda İran tərəfindən bütün səylər elə bir xüsusi ardıcıllıqla təmin olunur ki, Paşinyan Brüsseldə NATO nümayəndələri ilə görüşlərindən sonra İranla dialoqda baxışlarını açıq-aydın ifadə etsin. Ancaq təbii ki, Paşinyan İranda həmin görüşlərin mahiyyətini açıq-aşkar bəyan etməyəcək. Ermənistan sözsüz Qərblə yürüdəcəyi siyasətin detallarını heç Rusiya və Gürcüstana da bəlli etməyəcək. Paşinyan Qərbin yetirməsi kimi minimum məlumat verməklə daha çox iş görməyə və ölkəsinin Avropa istiqamətində inteqrasiyasını genişləndirməyə çalışacaq. Ancaq Qarabağ məsələsi həllini tapmadan Ermənistan üçün hər hansı ümidverici layihə və ya plan böyük irəliləyiş vəd etmir. Çünki Ermənistanın zəlil vəziyyətinə düşməsinin səbəbi Qarabağ müharibəsinin sona yetməməsidir. Bu baxımdan Avropa İttifaqı, ABŞ və ya başqa ölkələr İrəvana nə qədər vəd versə də, bu, təxrid vəziyyətində olan bir ölkəni xilas edə bilməz. Ermənistan daxildə də böyük risklərlə qarşı-qarşıyadır. Bu baxımdan İran siyasi elitası da Ermənistanın gələcək gedişləri ilə bağlı çox ehtiyatlı mövqe tutur. Həmçinin Rusiya da bu ruhda hərəkət edir”.

Qeyd edək ki, İran Prezidenti Həsən Ruhani Ermənistan Baş naziri Nikol Paşinyanı İrana dəvət edib.

Bu xəbəri oxuyanlar aşağıdakı xəbərləridə oxuyub
Abbas Bağırov köməkçisini bağışladı
Abbas Bağırov köməkçisini bağışladı
Bu gün Bakı Ağır Cinayətlər Məhkəməsində dələduzluqda təqsirləndirilən
Canavarlar kəndlərə hücum edir
Canavarlar kəndlərə hücum edir - Nazirlik hərəkətə keçdi
oranboy rayonunun Boluslu və Eyvazlılar kəndlərinə canavarların hücum
Martdan Azərbaycanda minimal pensiya 160 manat olacaq
Martdan Azərbaycanda minimal pensiya 160 manat olacaq
“Əmək pensiyaları haqqında” qanuna dəyişikliklər layihəsi parlamentin bu
reklam
Sinoptiklər şaxtalı hava vəd edirlər
Sinoptiklər şaxtalı hava vəd edirlər
Fevralın 20-də Bakı və Abşeron yarımadasında yağıntının səhər tədricən
İlham Əliyev çoxmənzilli binalarla bağlı fərman imzaladı
İlham Əliyev çoxmənzilli binalarla bağlı fərman imzaladı
Prezident İlham Əliyev bəzi çoxmənzilli binaların istismarına icazə
Bakıda silah gəzdirən Masallı sakini tutuldu
Bakıda silah gəzdirən Masallı sakini tutuldu - FOTO
Nərimanov Rayon Polis İdarəsi 16-cı Polis Bölməsi əməkdaşları tərəfindən
 
XİA.az - TƏQDİMAT