Yunker: "Avropa İttifaqı Britaniyanı saxlamağa çalışmır"

Yunker: "Avropa İttifaqı Britaniyanı saxlamağa çalışmır"
Avropa Komissiyasının sədri Jan Klod Yunker deyib ki, Avropa İttifaqı Britaniyanı ittifaqda saxlamağa çalışmır və Britaniya parlamentinin Brexit-i təsdiq etdiyi andan gələcək əlaqələri müzakirə etmək istəyir. O, əsas diqqətin may ayında seçkilərdən öncə Avropa İttifaqının özündə birlik məsələsinə yönəltməyə çalışdığını bildirib.

“Bizim məqsədimizin var gücümüzlə Birləşmiş Krallığı Avropa İttifaqında saxlamaq olduğuna işarə edilir. Bizim istədiyimiz münsasibətlərdə aydınlıqdır. Və biz referendumun nəticələrinə hörmət edirik”- deyə, Jan Klod Yunker Almaniyanın Welt am Sonntag qəzetinə müsahibəsində bildirib.

Avropanın qarşılaşdığı digər sınaqlarla bağlı danışan Yunker deyib ki, o, ABŞ prezidenti Donald Trampı ticarət siyasəti ilə əlaqədar yaxından izləyir.

“Mən o, sözünə əməl etdikcə ona inanıram. Əgər o, sözünə əməl etməsə, onda mən də sözümü tutmalı olmayacağam” – deyə, Yunker Vaşinqton və Avropa İttifaqı arasında tariflər məsələsinə toxunaraq bildirib.

Mən o, sözünə əməl etdikcə ona inanıram. Əgər o, sözünə əməl etməsə, onda mən də sözümü tutmalı olmayacağam.
O həmçinin Avropa İttifaqının qarşılaşdığı daha bir problem olan vətəndaşlar arasında fikir ayrılıqlarının artması məsələsindən danışıb. Yunker fikir ayrılıqlarının dərinləşməsinə yol verilməməli olduğunu deyərək, populistlərin “dövrün problemlərini həll etmək üçün heç bir konkret təklifləri olmadığını” qeyd edib.

Yunker Rumıniyanın yanvarın 1-də rotasiya üzrə Avropa İttifaqının prezidentliyi səlahiyyətlərini öz üzərinə götürməsinə hazırlığı ilə bağlı şübhələrini ifadə edərək, ölkədə korrupsiya və kəskin fikir ayrılıqlarını vurğulayıb.

“Buxarest hökuməti Avropa İttifaqına üzv dövlətlərə sədrliyin nə demək olduğunu tam anlamayıb…Rumıniyanın daxilində vəziyyət elə bir haldadır ki, ölkə Avropada vahid qrupun bir hissəsi kimi çıxış edə bilmir” – deyə, Yunker bildirib ("Amerikanın səsi").

Bu xəbəri oxuyanlar aşağıdakı xəbərləridə oxuyub
Texnika hazır vəziyyətə gətirildi
Texnika hazır vəziyyətə gətirildi - Anar Nəcəfli
Biz Ekologiya və Təbii Sərvətlər Nazirliyinin verdiyi proqnoza əsasən
Birinci vitse-prezidenti Mehriban Əliyeva Fransanın sabiq Prezidenti Nikola Sarkozi ilə görüşüb
Birinci vitse-prezidenti Mehriban Əliyeva Fransanın sabiq Prezidenti Nikola Sarkozi ilə görüşüb
Azərbaycan Respublikasının Birinci vitse-prezidenti Mehriban Əliyeva
reklam
İlham Əliyev Sumqayıtda “SOCAR karbamid” zavodunun açılışında iştirak edib
İlham Əliyev Sumqayıtda “SOCAR karbamid” zavodunun açılışında iştirak edib
Yanvarın 16-da Sumqayıt Kimya Sənaye Parkının ərazisində inşa olunmuş
Kür çayı üzərindəki körpünün bərpası yekunlaşır
Kür çayı üzərindəki körpünün bərpası yekunlaşır - VİDEO
Prezident İlham Əliyevin rəhbərliyi ilə son illər respublikada yol
Gəncə Dövlət Universitetində nə baş verir?
Gəncə Dövlət Universitetində nə baş verir? - TƏLƏBƏLƏR İMTAHANLARDAN KÜTLƏVİ ŞƏKİLDƏ KƏSİLİR + Vide
Gəncə Dövlət Univerisitetində qış imtahan sessiyasında yüzlərlə tələbə
 
XİA.az - TƏQDİMAT