Azərbaycan və İtaliya önəmli tərəfdaşlardır

Azərbaycan və İtaliya önəmli tərəfdaşlardır
Martın 4-də Milli Məclisin ATƏT Parlament Assambleyasındakı nümayəndə heyətinin üzvləri ölkəmizdə səfərdə olan ATƏT PA-da İtaliya nümayəndə heyətinin üzvləri ilə görüşüblər.
Milli Məclis sədrinin müavini, Azərbaycanın ATƏT PA-dakı nümayəndə heyətinin rəhbəri Bahar Muradova bu iki nümayəndə heyətinin ATƏT çərçivəsindəki əməkdaşlıq əlaqələrindən danışıb. Bildirib ki, bir çox məsələlərdə mövqelərimiz üst-üstə düşür.
Bahar Muradova İtaliyanın ATƏT PA-ya sədrliyi dövründə görülən işlər haqda danışıb. O, hazırkı dövrdə iqtisadiyyat, hərbi-siyasi, insan hüquqları baxımından mövcud olan çağırışları qeyd edərək ölkələrin ərazi bütövlüyünə qarşı yönəlmiş təhdidlərin yalnız birgə səylər sayəsində aradan qaldırıla biləcəyini vurğulayıb.
Milli Məclis sədrinin müavini Azərbaycan-İtaliya əməkdaşlıq əlaqələrinin möhkəmlənməsi baxımından dövlət rəsmilərinin qarşılıqlı səfərləri zamanı imzalanmış sənədlərin əhəmiyyətindən söz açıb, ölkəmizin təşəbbüsü ilə yaradılmış ATƏT PA-nın İpək Yoluna Dəstək Qrupuna 24-cü üzv olaraq daxil olan İtaliyanın təmsilçilərini təbrik edib. Bahar Muradova bu müstəvidə əməkdaşlığımızın genişlənməsi üçün yeni imkanlar açıldığını bildirib.
Görüşdə İtaliya Deputatlar Palatasında Xarici əlaqələr komissiyasının sədr müavini, ATƏT PA-da İtaliya nümayəndə heyətinin rəhbəri Paolo Qrimoldi bildirib ki, Azərbaycan İtaliya üçün önəmli tərəfdaşdır. Ölkələrimiz energetika və iqtisadiyyat sahələrində əməkdaşlıq edirlər. ATƏT bu əməkdaşlığı daha geniş çərçivədə həyata keçirmək üçün gözəl qurumdur. Biz ATƏT-də Azərbaycanın maraqlarını müdafiə etmək üçün əlimizdən gələni edirik.
Söhbət zamanı ikitərəfli əməkdaşlıqla bağlı fikir mübadiləsi aparılıb. Milli Məclisin deputatı, ATƏT PA-nın vitse-prezidenti və Büro üzvü, İpək Yoluna Dəstək Qrupunun rəhbəri Azay Quliyev, deputat Tahir Mirkişili fikirlərini bildiriblər. Əminlik ifadə olunub ki, hazırkı səfər daha məhsuldar əlaqələrin qurulmasına xidmət edəcək.
Görüşdə Azərbaycanın İtaliyadakı fövqəladə və səlahiyyətli səfiri Məmməd Əhmədzadə və digər rəsmi şəxslər iştirak ediblər.

Bu xəbəri oxuyanlar aşağıdakı xəbərləridə oxuyub
Azərbaycan və Gürcüstan prezidentlərinin təkbətək görüşü olub
Azərbaycan və Gürcüstan prezidentlərinin təkbətək görüşü olub
Fevralın 27-də rəsmi qarşılanma mərasimindən sonra Azərbaycan
Gürcüstanın Prezidenti Salome Zurabişvilinin rəsmi qarşılanma mərasimi olub
Gürcüstanın Prezidenti Salome Zurabişvilinin rəsmi qarşılanma mərasimi olub
Azərbaycan Respublikasına rəsmi səfərə gələn Gürcüstanın Prezidenti xanım
Avropa Şurasının Bakıdakı ofisinin rəhbəri səfir Zoltan Hernyes Gəncədədir
Avropa Şurasının Bakıdakı ofisinin rəhbəri səfir Zoltan Hernyes Gəncədədir
Gəncə Şəhər İcra Hakimiyyətinin başçısı Niyazi Bayramov Avropa Şurasının
reklam
Akşənər:
Akşənər: - Xocalı türk millətinə qarşı olan qətliamdır
Xocalı qətliamı türk millətinə qarşı edilmiş bir qanlı qətliamdır.
TRT World Xocalı soyqırımı ilə bağlı Bakıdan canlı yayım etdi
TRT World Xocalı soyqırımı ilə bağlı Bakıdan canlı yayım etdi - VİDEOLAR
Xocalı soyqırımının 27-ci ildönümü ilə bağlı Bakıda keçirilən hüzn
Xocalı soyqırımının 27-ci ildönümünə həsr olunmuş tədbir keçirilib
Xocalı soyqırımının 27-ci ildönümünə həsr olunmuş tədbir keçirilib
Azərbaycan Tibb Universitetində Xocalı soyqırımının 27-ci ildönümünə həsr
 
XİA.az - TƏQDİMAT