“Vulqar ifadələr var” - - MTRŞ-dan “Maşın şou" açıqlaması

“Vulqar ifadələr var” -
“Maşın” realiti şousu efirə yayımlanan ilk gündən qalmaqalları, müzakirələri ilə gündəmi zəbt edib.

XİA.az “Qafqazinfo”ya istinadən xəbər verir ki, iştirakçıların proqramda qeyri-etik ifadələrdən, təhqirlərdən istifadə etməsi sosial şəbəkə istifadəçiləri tərəfindən tez müzakirələrə səbəb olub.

Onlar tanınmışların vulqar danışmasını, əsəblərini cilovlaya bilmədiklərini xüsusi qeyd edərək ulduzları tənqid atəşinə tutublar.

Buna Səidə Sultan-Pərvin Abıyeva, Təranə Qumral, Sərxan Kərəmoğlu, Kənan Mahmudov- Nadir Qafarzadə qalmaqallarını misal çəkə bilərik.

MTRŞ-nin Monitorinq şöbəsinin rəhbəri Təvəkkül Dadaşov səs-küylü proqramdakı qalmaqallara münasibət bildirib:

“Bütün verilişlər tərəfimizdən monitorinq nəzarətindədir. O cümlədən “Maşın” şou... Bu şou artıq 10 ildən çoxdur ki, Azərbaycanın efir məkanındadır. Müxtəlif TV-lərin efirində yayımlanıb. Hər dəfə də müəyyən müzakirələr olub. Bu dəfə isə şou ətrafında xüsusilə müzakirələr aparılır. Bu isə əsasən sosial şəbəkələrin geniş yayılması ilə əlaqədardır. Tamaşaçılar şou ilə bağlı təəssüratlarını sosial şəbəkələr vasitəsilə çatdırırlar. Bu isə medianın da diqqətini çəkir. Bütün bunlar normaldır. Qeyd edim ki, realiti şou olduğu üçün burada baş verənlər dinamikliyi, canlılığı ilə diqqət cəlb eləyir. İştirakçılar arasında müəyyən gərginliklər olur. Bu isə realiti şounun xarakterindən irəli gəlir. Hələ ki, şou ilə bağlı ciddi problem yoxdur.

Realiti şoular bu gün dünya TV-lərin proqram setkalarında mühüm yer tutur. Lakin bununla yanaşı, hər bir verilişdə, şouda qanunvericiliyin tələblərinə, milli-mənəvi dəyərlərə riayət olunmalıdır. Maşın şou-da bir neçə dəfə iştirakçılar arasında müəyyən xoşagəlməz halların yaşandığı hiss olunsa da, efirdə qeyri -etik ifadələrin səslənməsi halına rast gəlinməyib. Bizim üçün, tamaşaçı üçün əsas odur ki, efirdə qeyri-etik ifadələr, səhnələr olmasın.

Dünənki buraxılışa gəldikdə, deyim ki, müəyyən vulqar ifadələr var idi, lakin həmin ifadələrin saat 23.00-dan sonraya təsadüf etdiyini nəzərə alsaq, bunu qanun pozuntusu olaraq qeydə almadıq. “Maşın” şounu, digər verilişlər kimi, qanunvericiliyin tələbləri prizmasından izləyirik, inanırıq ki, şou bitənədək ciddi qanun pozuntusuna yol verilməyəcək”.

Bu xəbəri oxuyanlar aşağıdakı xəbərləridə oxuyub
Azərbaycanın Müdafiə naziri Çinə rəsmi səfər edəcək
Azərbaycanın Müdafiə naziri Çinə rəsmi səfər edəcək
Azərbaycan Respublikasının Müdafiə naziri general-polkovnik Zakir Həsənov
Monitorinq insidentsiz başa çatıb
Monitorinq insidentsiz başa çatıb
ATƏT-in fəaliyyətdə olan sədrinin şəxsi nümayəndəsinin mandatına uyğun
Yeni nazirdən bir gündə 5 təyinat
Yeni nazirdən bir gündə 5 təyinat
Bundan öncə Kənd Təsərrüfatı Nazirliyinin İnformasiya və İctimaiyyətlə
reklam
İlham Əliyev
İlham Əliyev - Heç bir ölkə bizi Türkiyə qədər dəstəkləmədi
Bu sözləri Azərbaycan Prezidenti İlham Əliyev Türkiyə Prezidenti Rəcəb
Ərdoğan: “Qarabağ münaqişəsi beynəlxalq hüquq prinsipləri çərçivəsində həll olunmalıdır”
Ərdoğan: “Qarabağ münaqişəsi beynəlxalq hüquq prinsipləri çərçivəsində həll olunmalıdır”
“Mayın 28-də Azərbaycan Xalq Cümhuriyyətinin 100-cü ildönümüdür. Bununla
Prezident İlham Əliyev:
Prezident İlham Əliyev: "Türkiyə-Azərbaycan qardaşlığının, dostluğunun çox böyük gələcəyi var"
"Prezident seçkilərindən sonra ilk səfərimi qardaş ölkəyə etdim. Bu
 
XİA.az - TƏQDİMAT