Hər hansı bir tərəfin danışıqlar zamanı ortaya qoyduğu tələbin icrası onun gücü və imkanlarından asılıdır. İndiki halda Qarabağ erməniləri ortaya mövqe qoyub. Amma bu mövqeni müdafiə etməyə onların nə gücü, nə də imkanları var.
Bunu Teleqraf.com-a politoloq Zərdüşt Əlizadə deyib.
O hesab edir ki, Azərbaycan tərəfinin Qarabağda yaşayan erməni icması ilə bağlı dialoq təklifləri sona qədər davam edə bilməz:
“Müşahidə edilən odur ki, Azərbaycanın bu təşəbbüslərindən sonra hansısa bir formada təzyiq imkanları da nəzərdən keçirilir. Bu, növbəli şəkildə olan prosesdir. Amma bu yanaşma da qarşı tərəf reallığı anlayana qədər davam edəcək”.
Politoloqun fikrincə, bu məsələ ilə bağlı tələskənliyə ehtiyac yoxdur:
“Çünki möhlət bəllidir. 2025-ci ilin mayında bölgədə rus sülhməramlılarının qalıb-qalmaması məsələsi aydınlaşacaq. Azərbaycan burada sülhməramlıların mövcudluğuna həmin müddətdən sonra qalmasına icazə verəcəyi məsələsi əsas amildir. Qarabağda yaşayan erməni icması da bu müddətə qədər konkret qərar qəbul etməlidir. Rus sülhməramlıları bölgəni tərk etdikdən sonra erməni icmasının Azərbaycana inteqrasiyadan başqa seçim imkanı qalmayacaq”.
Zərdüşt Əlizadə Qarabağda yaşayan erməni icmasının reinteqrasiyasının sürətləndirilməsi məsələsinə də münasibət bildirib:
“Görünən odur ki, hazırda Qarabağda Azərbaycana inteqrasiya edib yaşamaq istəyənlər də az deyil. Amma paralel olaraq bu istiqamətdə iş aparmalıdır. Onların istisadi, siyasi, mədəni hüquqları ilə bağlı təsəvvürləri aydınlaşmalıdır”.
Qarabağ erməniləri üçün son seçim: 2025-ci ilin mayına qədər... - Ekspert danışır
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.