Minik avtomobilinin boruya çırpılması nəticəsində qaz xətti yararsız hala düşüb.
Oxu.Az-ın məlumatına görə, hadisə Naxçıvan Muxtar Respublikasının Şahbuz rayonunda baş verib.
Belə ki, Biçənək kəndində baş verən avtoqəza nəticəsində diametri 119 mm olan qaz xətti qırılıb. Təhlükəsizlik səbəbi ilə Gömür, Ağbulaq və Biçənək kəndlərində 450 abonentin qaz təchizatı dayandırılıb. Bərpa işləri yekunlaşan kimi sözügedən ərazidə qazın verilişi təmin ediləcək.
