İtaliyanın “Fiorentina” futbol klubunun prezidenti Rokko Kommisso ölüb.
Bu barədə klubun mətbuat xidməti məlumat yayıb.
Klub rəhbərinin uzun sürən xəstəlikdən sonra 76 yaşında vəfat etdiyi bildirilib.
“Fiorentina” bəyan edib ki, klubun “Viola Park” təlim mərkəzi Kommissonun adını daşıyacaq.
Kommisso “Fiorentina”nın səhmlərini satın alıb və 2019-cu ildən klub prezidenti idi. Onun rəhbərliyi dövründə Florensiya təmsilçisi iki dəfə UEFA Konfrans Liqasının (2023, 2024) və bir dəfə İtaliya Kubokunun finalına (2023) yüksəlib.