Çində metallurgiya zavodunda partlayış olub.

Çinin Daxili Monqolustan muxtar rayonunun Baotou şəhərində yerləşən poladəritmə zavodunda baş verən güclü partlayış nəticəsində iki nəfər ölənlər, beş nəfər itkin düşüb.

Bu barədə “Xinhua” agentliyi məlumat yayıb.

Məlumata görə, hadisə nəticəsində daha 66 nəfər müxtəlif dərəcəli xəsarətlərlə xəstəxanaya yerləşdirilib. Onlardan üçünün vəziyyəti ağır qiymətləndirilir.

Qəzanın baş verdiyi müəssisə dünyanın ən iri polad istehsalçılarından biri olan “Baotou” Poladəritmə Şirkətinə məxsusdur. Sənaye qəzasının başvermə səbəbləri ilə bağlı araşdırma aparılır.