Dənizdə köməksiz vəziyyətdə qalan şəxslər xilas edildilər

Fövqəladə Hallar Nazirliyinin (FHN) “112” qaynar telefon xəttinə Bakı şəhəri, Qaradağ rayonu ərazisində dənizdə nəzarətsiz ərazidə vətəndaşların köməksiz vəziyyətdə qalması barədə məlumat daxil olub.

Xia.Az xəbər verir ki, bu barədə FHN məlumat yayıb.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb olunub.

Həyata keçirilən operativ xilasetmə əməliyyatı sayəsində balıqçı qayığının mühərrikində yaranan nasazlıq səbəbindən sahildən təqribən bir km məsafədə dənizdə köməksiz vəziyyətdə qalan vətəndaşlar, 1994-cü il təvəllüdlü Rəhman Mərifət oğlu Məmmədov, 1986-cı il təvəllüdlü Əli Ramiz oğlu Əliyev, 1981-ci il təvəllüdlü İntiqam İslam oğlu Məmmədov və 1980-cı il təvəllüdlü İlkin Şakir oğlu Quliyev xilasedicilər tərəfindən xilas edilərək sahilə çıxmaları təmin edilib.