Türkiyədə iftar vaxtı evə silahlı basqın olub.
xia.az yerli mediaya istinadla bildirir ki, hadisə Hatayın Qırıqxan qəsəbəsində baş verib.
İftar evə silahlı hücum zamanı 40 yaşlı Cəmilə İldırım hadisə yerində, onun əri 45 yaşlı Hüseyn xəstəxanada ölüb. Cütlüyün azyaşlı qızı Məleykə isə ağır xəsarətlər alıb.
Məlumata görə, Hüseyn İldırım xəstəxanada son nəfəsində qatilin adını çəkib. O, cinayətkarın ədavətli olduqları M.D. olduğunu deyib.
Polisin keçirdiyi axtarışlar nəticəsində M.D. saxlanılaraq istintaqa cəlb olunub.
