Rusiya Federasiyasının Xantı-Mansiysk regionunda sərbəst güləşçilərin mübarizə apardığı Vladimir Semyonov kuboku uğrunda beynəlxalq turnir baş tutub.
Xia.az xəbər verir ki, 14 ölkə idmançılarının qatıldığı bu mötəbər yarışda yığmamızın təmsilçisi, 79 kq çəki dərəcəsində güləşən Ramiz Həsənov da qüvvəsini sınayıb.
Azərbaycanlı güləşçi yarışın yekununda fəxri kürsünün üçüncü pilləsinə qalxaraq bürünc medala sahib çıxıb.