Misli Premyer Liqasında XXIV tura bu gün keçiriləcək iki oyunla yekun vurulacaq.

Xia.az xəbər verir ki, əvvəlcə Yevlax şəhər stadionunda “Kəpəz” “Turan Tovuz”u qəbul edəcək.

Qərb derbisi saat 15:00-da başlayacaq.

Ardınca isə “Neftçi” səfərdə “Qəbələ”nin qonağı olacaq. Qəbələ şəhər stadionundakı bu matçın start fiti saat 18:00-da səslənəcək.

Avrokuboklara iddialı “Turan Tovuz” 44 xalla turnir cədvəlinin üçüncü sırasında qərarlaşıb. 31 xalı olan “Neftçi” yeddinci, 17 xala malik “Kəpəz” isə onuncudur. Gəncəlilərdən 1 xal az toplayan “Qəbələ” isə on birinci yerdədir.