Yaxın Şərq münaqişəsi Rusiyadan neft alışını kəskin artırdı
Yaxın Şərq münaqişəsi ilə əlaqədar yaranan qlobal enerji böhranı Sinqapurun Rusiyadan neft məhsulları idxalını kəskin şəkildə çoxaltması ilə nəticələnib.
Xia.az məlumat verir ki, “The Financial Times” nəşri “Vortexa” analitik mərkəzinin hesabatlarına əsaslanaraq, sözügedən Asiya dövlətinin Rusiya mənşəli enerji məhsullarına olan ehtiyacının nəzərəçarpacaq dərəcədə yüksəldiyini vurğulayıb.
Xəbərə görə, təkcə aprel ayının ötən dövrü ərzində Rusiya Federasiyasından Sinqapura yönləndirilən mazut və digər yanacaq məhsullarının həcmi 2025-ci il üzrə qeydə alınan orta aylıq rəqəmləri iki dəfədən çox üstələyib. Bununla yanaşı, gündəlik tədarük həcmlərində də ciddi sıçrayış müşahidə olunur. Belə ki, ilin ilk iki ayında bu rəqəm təqribən 372 min barel olaraq qiymətləndirilirdisə, mart və aprel aylarında göstərici 585 min barelə qədər yüksəlib.
Sözügedən enerji ehtiyatlarına olan intensiv tələbat yalnız Sinqapurla məhdudlaşmır, o cümlədən Çin və Malayziya kimi qonşu region ölkələrində də yüksək səviyyədə qalmaqdadır.
