ABŞ ordusu İrana endirilən zərbələrin növbəti mərhələsini yekunlaşdırdı

ABŞ ordusu İran ərazisinə endirilən zərbələrin növbəti mərhələsini yekunlaşdırıb.

Xia.az  xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

“Mərkəzi Komandanlıq qüvvələri ardıcıl olaraq 13-cü gecə İrana zərbələr endirilməsi prosesini başa çatdırıb”, – deyə CENTCOM-un “X” hesabında məlumat verilib.

Məlumata görə, Birləşmiş Ştatların hücumları zamanı əsasən komanda və idarəetmə məntəqələri, pilotsuz uçuş aparatlarının saxlanma anbarları, sahil müşahidə postları və Hərbi Dəniz Qüvvələrinə aid vasitələr hədəfə alınıb.