“Iğdır-Naxçıvan qaz kəməri sayəsində biz ən azı 30 il ərzində Naxçıvanın təbii qaza olan bütün tələbatını qarşılayacağıq”.
Oxu.Az “Milliyet” qəzetinə istinadla xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra jurnalistlərə açıqlamasında bildirib.
“Martın 5-də Azərbaycan Prezidenti İlham Əliyevin səfəri zamanı Iğdır-Naxçıvan qaz kəmərinin açılışını həyata keçirdik. Həmçinin qardaşım İlham Əliyev ilə başda Ermənistanla sülh danışıqları olmaqla, bir çox mühüm məsələlər ətrafında fikir mübadiləsi apardıq”, – deyə Türkiyə lideri vurğulayıb.