Bakıda Azərbaycan Hakimlərinin II Forumu keçirilir.
Oxu.Az-ın məlumatına görə, tədbirdə Hakimlər İttifaqının sədri Ramiz Rzayev, Ali Məhkəmə və Məhkəmə-Hüquq Şurasının sədri İnam Kərimov, Konstitusiya Məhkəməsinin sədri Fərhad Abdullayev, hakimlər, həmçinin dövlət və hökumət rəsmiləri iştirak edirlər.
Forum çərçivəsində üç panel sessiyanın keçirilməsi nəzərdə tutulur: iştirakçılar “Rəqəmsallaşma və süni intellektin tətbiqi”, “İnzibati orqanların fəaliyyətində məhkəmənin rolu: təkrarlanan işlər, inzibati praktikanın yenilənməsi, bərabər yanaşma və etimadın qorunması” və “Cinayət mühakimə icraatının aktual məsələləri və müasir çağırışlar” mövzusunda müzakirələr aparacaqlar.
Bundan başqa, tədbir çərçivəsində Hakimlər İttifaqının illik hesabatı təqdim olunacaq və Məhkəmə-Hüquq Şurasının üzvlüyünə seçkilər keçiriləcək.
