İslam İnqilabı Keşikçiləri Korpusu (SEPAH) İsrailə və bölgədəki ABŞ bazalarına qarşı “Əsl vəd – 4” əməliyyatının 48-ci mərhələsinin həyata keçirildiyini bəyan edib.
Xia.Az xəbər verir ki, bu barədə İran dövlət televiziyası SEPAH-a istinadən məlumat yayıb.
Məlumata görə, hücum zamanı İran ordusu ballistik raketlərdən istifadə edib.
Hücum zamanı ABŞ-nin hansı obyektlərinin vurulduğu barədə açıqlama verilməyib.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.
Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.
İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.