ABŞ-nin Hərb Nazirliyi (Pentaqon) Qrenlandiyada üç hərbi bazaya giriş əldə etmək üçün Danimarka ilə danışıqlar aparır.
Xia.az xəbər verir ki, bu barədə “The New York Times” qəzeti məlumat yayıb.
Nəşrin məlumatına görə, söhbət Qərbi Qrenlandiyadakı Narsarsuaq və Kangerlussuaq ərazilərindən gedir ki, burada əvvəllər ABŞ obyektləri yerləşib.
Birləşmiş Ştatların Şimal Komandanlığının rəhbəri Qreqori Qiyo Arktikanın artan strateji əhəmiyyəti səbəbindən bazalara giriş imkanlarını genişləndirmək istəyini bildirib.
Qeyd olunur ki, danışıqlar ABŞ ordusuna adada geniş səlahiyyətlər verən 1951-ci il müqaviləsi çərçivəsində aparılır.
Hazırda Qrenlandiyada ABŞ-nin bir bazası fəaliyyət göstərir.