Peruda zəlzələ baş verib

Perunun şimal bölgəsində 5.9 maqnitudalı yeraltı təkanlar qeydə alınıb.

Xia.az məlumat verir ki, bu barədə “İnterfaks” məlumat yayıb.

Seysmoloji mərkəzlərin hesabatına əsasən, zəlzələ yerli vaxtla saat 06:20-də (Bakı vaxtı ilə 15:20 – red.) baş verib. Təkanların mərkəzi təqribən 120 min əhalisi olan Tarapoto şəhərindən 87 kilometr məsafədə yerləşib. Təbii fəlakət mütəxəssislər tərəfindən dağıdıcı xarakterli qiymətləndirilir.

Eyni zamanda, ABŞ Geoloji Xidməti yeraltı təkanların maqnitudasının 6 bal, zəlzələ ocağının isə 108.6 kilometr dərinlikdə olduğunu açıqlayıb.