“Zirə” minifutbol üzrə Azərbaycan çempionu oldu

Minifutbol üzrə Azərbaycan çempionatının qalibi bəlli olub.

Xia.az  “Report”a istinadən xəbər verir ki, final oyununda “Zirə” “Birbaşa Bakı” ilə üz-üzə gəlib.

Bakı Tennis Akademiyasındakı qarşılaşmada “Zirə” 4:1 hesablı qələbəyə sevinib.

Daha əvvəl “Aznur” üçüncü yer uğrunda görüşdə “Sumqayıt”ı üstələyib – 6:4.

Beləliklə, “Zirə” qızıl, “Birbaşa Bakı” gümüş, “Aznur” bürünc mükafata sahib çıxıb.