İran “F-15E” qırıcı təyyarəsinin axtarış əməliyyatında iştirak edən ABŞ-yə məxsus iki “UH-60 Blackhawk” helikopterinə zərbə endirib.
Xia.az -ın xəbərinə görə, bu barədə “NBC News” telekanalı məlumat verir.
Kanalın məlumatına görə, göyərtədəki hərbçilər yüngül xəsarətlər alıblar.
Həmçinin bildirilir ki, İranın hava hücumundan müdafiə sistemləri tərəfindən vurulan ABŞ Hərbi Hava Qüvvələrinə məxsus “A-10” hücum təyyarəsi qəzaya uğramadan əvvəl Küveytə çatmağı bacarıb. Zədə aldıqdan sonra “A-10” təyyarəsi Küveyt hava məkanına daxil olub. Pilot katapult edib, təyyarə isə qəzaya uğrayıb. Pilotun sağ olduğu bildirilir.
Qeyd edilir ki, hücum təyyarəsi “F-15E” qırıcısının İranın hava hücumundan müdafiə sistemləri tərəfindən vurulmasından sonra axtarış-xilasetmə əməliyyatları üçün göndərilib.