Trampdan GÖZLƏNİLMƏZ QƏRAR – Hörmüz boğazını həmişəlik açdığını ELAN ETDİ

ABŞ Prezidenti Donald Tramp Çin və bütün dünya üçün Hörmüz boğazını həmişəlik açdığını elan edib.

Xia.az  xəbər verir ki, Ağ Ev lideri müvafiq açıqlamanı “Truth Social” sosial şəbəkəsindəki səhifəsində paylaşıb.

“Çin Hörmüz boğazını həmişəlik açdığıma görə çox məmnundur. Mən bu addımı həm onlar, həm də bütün qlobal dünya üçün atıram. Bu cür vəziyyət bir daha yaşanmayacaq. Onlar İrana silah göndərməmək barədə razılığa gəliblər. Prezident Si bir neçə həftə sonra ora çatanda məni bərk-bərk qucaqlayacaq. Biz birlikdə ağıllı və çox yaxşı işləyirik! Bu, döyüşməkdən daha yaxşı deyilmi? Amma unutmayın, biz döyüşməkdə çox yaxşıyıq, əgər lazımdırsa – hər kəsdən daha yaxşı”, – deyə Ağ Ev lideri bildirib.

Qeyd edək ki, Tramp aprelin 12-də İranla mühüm razılaşmaların pozulmasının ardınca ABŞ-nin Hörmüz boğazını blokadaya aldığını demişdi.