Yevlax ərazisində ölümlə nəticələnən qəza baş verib. Belə ki, ərazidə nasaz olan QAZ 24 markalı maşının hərəkət etməsi üçün kömək edən Traktor idarəetməni itirib və hər 2 nəqliyyat vasitəsi aşıb. Hadisə nəticəsində traktorun sürücüsü Mustafayev Firdovsi İlqar oğlu traktorun altında qalaraq dünyasını dəyişib. Digər avtomobilin sürücüsü Bəkirov Nicat Səfər oğlu isə yaralı halda Mingəçevir Şəhər Mərkəzi Xəstəxanasına çatdırılıb.
Xəstəxananın İctimaiyyətlə əlaqələr üzrə mütəxəssisi Rza Nəsirov Xia.az-a bildirib ki, 25.05.2025-ci il tarixində saat 18:30 radələrində Mingəçevir Şəhər Mərkəzi Xəstəxanasının Təcili tibbi yardım şöbəsinə 1988-ci il təvəllüdlü şəxs (kişi cinsli) hospitalizasiya olunub.
Oturaq sümüyünün sınığı diaqnozu təyin edilən pasiyentə zəruri tibbi yardımlar göstərilib.
Cərrahiyyə şöbəsində müalicəsi davam etdirilən şəxsin vəziyyəti stabil qiymətləndirilir.
