Sabirabadda avtomobil su kanalına aşıb, xəsarət alanlar var.
Xia.Az “Report”a istinadla xəbər verir ki, hadisə rayonun Xəlfəli kəndi ərazisində qeydə alınıb.
Belə ki, hərəkətdə olan “Mercedes” markalı avtomobil qəflətən idarəetmədən çıxaraq yolun kənarındakı su kanalına aşıb.
Qəza nəticəsində ilkin məlumata görə, 4 nəfər xəsarət alıb.
Hadisə yerinə gələn Fövqəladə Hallar Nazirliyinin (FHN) əməkdaşları tərəfindən xəsarət alanlar təxliyə edilərək Sabirabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.